వెర్సటైల్ నటుడిగా గుర్తింపు తెచ్చుకున్న నటుడు సత్యదేవ్ – కన్నడ నటుడు డాలీ ధనంజయ కలిసి నటించిన మూవీ “జీబ్రా”. ఈశ్వర్ కార్తీక్ డైరెక్షన్‌ లో వస్తున్న ఈ సినిమా తాజాగా కొత్త విడుదల ముహుర్తాన్ని ఫిక్స్ చేసుకుంది. పాన్ ఇండియా సినిమాగా వస్తున్న ఈ మూవీని నవంబరు 22న విడుదల చేస్తున్నట్లు మేకర్స్ తెలిపారు.
వాస్తవానికి ఈ సినిమా అక్టోబర్ 31న థియేటర్లలోకి రానుందని గతంలో ప్రకటించారు. కానీ, దీపావళి రేస్ నుంచి తప్పుకుని నవంబరు 22న ఈ చిత్రం విడుదల రెడీ అవుతుంది. ఇక ఈ సినిమాలో ప్రియా భవాని శంకర్ హీరోయిన్ గా నటిస్తుండగా కేజీఎఫ్ మ్యూజిక్ డైరెక్టర్‌ రవి బసృర్ సంగీతం అందిస్తున్నాడు.
కాగా ఈ సినిమాని పద్మజ ఫిలింస్ ప్రైవేట్ లిమిటెడ్, ఓల్డ్ టౌన్ పిక్చర్స్ బ్యానర్లపై SN రెడ్డి, S పద్మజ, బాల సుందరం మరియు దినేష్ సుందరం నిర్మిస్తున్నారు. ఇంతకీ, ఈ సినిమా సత్యదేవ్ కు ఎటువంటి హిట్ అందుకుంటుందో వేచి చూడాల్సిందే.
