పాన్‌ ఇండియా స్టార్‌ ప్రభాస్ గతేడాది డిసెంబర్‌ లో సలార్ సినిమాతో ప్రేక్షకుల ముందుకు వచ్చి భారీ విజయాన్ని అందుకున్నాడు. ఈ సినిమా ప్రపంచ వ్యాప్తంగా భారీగా కలెక్షన్స్ కూడా రాబట్టింది .అయితే ప్రస్తుతం ప్రభాస్ ఫ్యాన్స్ అంతా సలార్ 2 కోసం ఎంతగానో ఎదురు చూస్తున్నారు. కానీ దర్శకుడు ప్రశాంత్ నీల్ ఈ సినిమా గురించి ఇప్పటి వరకు ఎలాంటి క్లారిటీ ఇవ్వలేదు.
దీంతో ఈ సినిమా షూటింగ్ ఎప్పుడు మొదలు కానుందో అని ప్రభాస్ ఫ్యాన్స్ ఎంతో ఆసక్తిగా ఎదురు చూస్తున్నారు. ప్రస్తుతం ప్రభాస్ “కల్కి”మూవీ షూటింగ్ లో బిజీ గా ఉన్నాడు. ఈ సినిమాను మేకర్స్ ప్రపంచ వ్యాప్తంగా జూన్ 27 న ఎంతో గ్రాండ్ గా విడుదల చేయనున్నారు. దీనితో అభిమానులు అంతా కూడా ప్రభాస్ కల్కి మూవీ తరువాత సలార్ 2 షూటింగ్ లో పాల్గొననున్నాడని అనుకున్నారు. కానీ తాజాగా సోమవారం ఎన్టీఆర్ బర్త్ డే సందర్భంగా ప్రశాంత్ నీల్, ఎన్టీఆర్ సినిమా షూటింగ్ ఆగస్టు నుంచి ప్రారంభం అవుతుందని స్పెషల్ అప్డేట్ వచ్చింది.
ఈ అప్డేట్ చూసాక ప్రభాస్ అభిమానులు నిరాశకు గురయ్యారు. ఆగస్టు లో ఎన్టీఆర్ మూవీ షూటింగ్ ఉంటే సలార్ 2 షూటింగ్ ఎప్పుడు జరుగుతుంది అంతా చర్చించుకుంటున్నారు.
