మహానటికి పేరు తెచ్చిన కష్టాలు! అందాల భామ కీర్తి సురేష్ తన అద్భుతమైన నటనతో ప్రేక్షకుల్లో మంచి గుర్తింపు తెచ్చుకున్న సంగతి తెలిసిందే. స్టార్ హీరోల సరసన పలు విజయవంతమైన సినిమాల్లో నటించి, దక్షిణాదిన టాప్ హీరోయిన్‌గా ఎదిగింది.
ఇక ఇప్పుడు బాలీవుడ్ ఎంట్రీ కూడా సాలిడ్ మూవీతోనే ఎంట్రీ ఇచ్చింది ఈ ముద్దుగుమ్మ . వరుణ్ ధావన్ నటించిన ‘బేబీ జాన్’ మూవీలో హీరోయిన్‌గా బాలీవుడ్ ఎంట్రీ ఇచ్చింది. ఈ సినిమా ఫలితం ఎలా ఉన్నా, ఇప్పుడు కీర్తి సురేష్‌కు తన పేరు కొత్త కష్టాన్ని తెచ్చిపెట్టింది. ముంబైలో స్టార్స్ ఎక్కడ కనిపిస్తే, అక్కడ వాలిపోతారు ముంబై సినిమా ఫోటోగ్రాఫర్లు. ఇలా తాజాగా ‘బేబీ జాన్’ ప్రమోషన్స్‌లో భాగంగా కీర్తి సురేష్ వారి కంట పడింది.
దీంతో ఆమెను ఫోటోలు తీసుకునే క్రమంలో ఆమె పేరును వారు తప్పుగా పలికారు. ‘కృతి ఇటు చూడండి’ అంటూ వారు అనడంతో.. తన పేరు కీర్తి అని.. కృతి కాదు అంటూ చెప్పింది పాపం. అయినా కూడా వారు ఆమెను ‘కీర్తి దోశ’ అంటూ పిలిచారు. దీంతో మరోసారి తన పేరు కీర్తి సురేష్ అని, దోశ కాదంటూ ఆమె చెప్పింది. ఇలా కీర్తి సురేష్‌కి తన పేరు వల్ల కలిగిన కష్టానికి సంబంధించిన వీడియో ప్రస్తుతం నెట్టింట వైరల్ గా మారింది.
