టాలీవుడ్‌లో శాండిల్ వుడ్ రేంజ్ పెంచిన నటుడు ఎవరైనా ఉన్నారంటే అది నటుడు ఉపేంద్రనే. ప్రయోగాత్మక సినిమాలతో ఫేమ్ సంపాదించాడు. ఆయన యాక్టింగ్ స్టైల్, డైలాగ్ డెలివరీ, డిఫరెంట్ ఎక్స్ ప్రెషన్స్‌‌కు స్పెషల్ ఫ్యాన్ బేస్ అయితే ఉంది. ఆయనలో సూపర్ యాక్టర్ ఉన్నాడు కానీ అంతకు మించిన ప్రత్యేక లక్షణాలు కూడా చాలానే ఉన్నాయి. ఉపేంద్ర ఈసారి యుఐ అంటూ యునీక్ స్టోరీతో అభిమానుల ముందుకు వస్తున్నాడు.
పాన్ ఇండియా లెవల్లో విడుదలైన ఈ సినిమా కోసం భారీగానే ప్రమోషన్లు చేసాడు ఉపేంద్ర. శాండిల్ వుడ్‌లోనే కాదు. సౌత్‌లోనే బిగ్గెస్ట్ మార్కెట్‌గా మారిన టాలీవుడ్ పై ఎక్కువ దృష్టి పెట్టాడు. ఇదిలా ఉంటే ఈసారి ఎలాగైనా హిట్టు కొట్టాలని తనలోని రైటర్ కమ్ డైరెక్టర్‌ను మరోసారి బయటకు తీశాడు. దాదాపు పదేళ్ల తర్వాత యుఐతో దర్శకత్వ బాధ్యతలు తీసుకున్నాడు.
ఉప్పీ 2 తర్వాత ఈ సినిమాతోనే మెగాఫోన్ టచ్ చేశాడు. ఈసారి స్టోరీ, స్క్రీన్ ప్లే కూడా తనే అందిస్తూ సినిమాని తీర్చిదిద్దాడు. మొత్తంగా ఈ సినిమాను తన భుజాలపై మోస్తున్నాడు. అంతేకాదు ఇప్పుడు ప్రమోషన్లు కూడా విపరీతంగా చేసాడు. ఇప్పటి వరకు పదకొండు సినిమాలకు దర్శకత్వం వహించాడు. ఇవన్నీ కూడా క్లాసిక్ చిత్రాలుగా గుర్తింపు తెచ్చుకున్నాయి. అందులో రెండు తెలుగు చిత్రాలు ఓంకారం, రా ఉన్నాయి. తనకు బ్లాక్ బస్టర్ హిట్ కావాలనుకున్నప్పుడల్లా తనలోని టాలెంట్ బయటకు తీస్తుంటాడు.
