యంగ్‌ హీరో నిఖిల్.. కార్తీకేయతో హిట్ అందుకొని దానికి పార్ట్‌ 2 కార్తికేయ 2 తో పాన్‌ ఇండియా లెవల్లో హిట్ ని అందుకున్నాడు. చందు మొండేటి డైరెక్షన్‌ లో వచ్చిన ఈ సినిమా బాలీవుడ్‌ లో కూడా భారీ విజయాన్ని తన ఖాతాలో వేసుకుంది. కార్తికేయ 2 కి కొనసాగింపుగా కార్తికేయ 3 కూడా ఉందని చిత్ర దర్శకుడు అప్పుడే ప్రకటించిన విషయం తెలిసిందే.
ప్రేక్షకులు, అభిమానులు కార్తికేయ 3 కోసం ఎంతగానో ఎదురు చూస్తున్నారు. ఈ క్రమంలోనే ఈ సినిమా గురించి చిత్ర బృందం నుంచి ఓ అధికారిక ప్రకటన వెలువడింది. ” సరికొత్త అడ్వెంచర్స్‌ ను సెర్చ్‌ చేసే పని లో డాక్టర్ కార్తికేయ బిజీగా ఉన్నారు. అతి త్వరలో మీ ముందుకు రాబోతున్నామంటూ హీరో నిఖిల్ తాజాగా ఓ పోస్ట్‌ పెట్టారు.
ఈ పోస్ట్‌ ని చేసిన అభిమానులు సంతోషాన్ని వ్యక్తం చేస్తున్నారు. చందు-నిఖిలో కాంబోలో ఓ అడ్వెంచర్‌ థ్రిల్లర్‌ ను చూసేందుకు ఎంతగానో ఎదురు చూస్తున్నామంటూ కామెంట్లు పెడుతున్నారు. ప్రస్తుతం ఈ సినిమాకు సంబంధించిన స్క్రిప్టు పనులు జరుగుతున్నాయి. గత రెండు చిత్రాలతో పోల్చుకుంటే ఈ చిత్రం మరింత భారీ స్థాయిలో రాబోతుందని టాక్. వీరిద్దరి కాంబోలో రాబోతున్న మూడో చిత్రం కార్తికేయ 3. ప్రస్తుతం నిఖిల్ ఫాదర్‌ హూడ్ ని ఎంజాయ్‌ చేస్తున్నాడు.
కొద్ది రోజుల క్రితమే నిఖిల్ భార్య పల్లవి మగబిడ్డకు జన్మనిచ్చింది. నిఖిల్ ప్రస్తుతం స్వయంభూ సినిమాతో బిజీగా ఉన్నాడు.
