స్టార్‌ డైరెక్టర్‌ ప్రశాంత్ నీల్, పాన్‌ ఇండియా స్టార్‌ ప్రభాస్ తో తీసిన మూవీ సలార్. ఈ సినిమా గతేడాది డిసెంబర్‌ లో విడుదలై బ్లాక్‌ బస్టర్‌ విజయం అందుకుంది. ఈ సినిమా ప్రపంచవ్యాప్తంగా భారీగా కలెక్షన్స్ రాబట్టింది. అయితే సలార్ పార్ట్ 2 షూటింగ్ ఈ ఏడాది మొదలు పెట్టి 2025 సంవత్సరం చివరిలో విడుదల చేయనున్నట్లు ఓ వార్త బాగా వైరల్ అయింది.
దర్శకుడు ప్రశాంత్ నీల్ ఎన్టీఆర్ తో ఓ సినిమా తెరకెక్కించబోతున్న విషయం తెలిసిందే. అయితే ఈ సినిమాను గత ఏడాదే ప్రకటించిన ఎన్టీఆర్ ,ప్రశాంత్ నీల్ తమ మూవీస్ తో ఫుల్‌ బిజీ గా ఉండటంతో సినిమా సెట్స్ పైకి వెళ్ళలేదు. సలార్ సినిమా సూపర్ హిట్ అవ్వడంతో ముందుగా సలార్ పార్ట్ 2 ను తెరకెక్కించి ఆ తరువాత ఎన్టీఆర్ సినిమా షూటింగ్ చేయనున్నట్లు ఇటీవల ఓ న్యూస్ వైరల్ అయింది. కానీ తాజాగా ఎన్టీఆర్ బర్త్ డే సందర్భంగా ప్రశాంత్ నీల్ ,ఎన్టీఆర్ మూవీ ఈ ఏడాది ఆగస్టు నుంచి రెగ్యులర్ షూటింగ్ మొదలు కానుందని మూవీ మేకర్స్‌ ప్రకటించారు.
దీంతో ప్రభాస్ ఫ్యాన్స్ కాస్త నిరాశకు గురయ్యారు. అయితే ప్రశాంత్ నీల్ మాత్రం ముందుగా ప్రభాస్ సినిమా పూర్తి చేసి ఆ తరువాత ఎన్టీఆర్ మూవీ చేసే ఆలోచనలో ఉన్నట్లు టాక్‌. అయితే ప్రశాంత్ నీల్ తరువాత సినిమా ఎవరితో అనే గందరగోళం వీడాలంటే మాత్రం కొద్దిరోజులు ఆగాల్సిందే.
