తమిళ స్టార్‌ డైరెక్టర్‌ శంకర్ కుమార్తెలలో ఒకరైన అతిథి శంకర్ తమిళ సినీ పరిశ్రమలో కార్తీ నటించిన వీరుమాన్ సినిమాతో హీరోయిన్ గా కెరీర్ మొదలు పెట్టిన సంగతి తెలిసిందే. ఆ సినిమా ఓ మోస్తరు విజయమే సాధించింది. ఆ తర్వాత శివ కార్తికేయన్ సరసన మావీరన్ సూపర్ హిట్ అవ్వడంతో ఈ ముద్దుగుమ్మకి అవకాశాలు వెతుక్కుంటూ వస్తున్నాయి. ప్రస్తుతం అర్జున్ దాస్ కు జోడిగా నూతన దర్శకుడు తెరకెక్కిస్తున్న యూత్ ఫుల్ కాలేజ్ లవ్ నేపథ్యంలో రానున్న ఈ సినిమాలో హీరోయిన్ గా అతిథి నటిస్తుంది.
మరోవైపు అతిథి శంకర్ టాలీవుడ్ కు పరిచయం కాబోతున్నట్లు సమాచారం. యంగ్ హీరోలు బెల్లం కొండ శ్రీనివాస్, మంచు మనోజ్ కుమార్, నారా రోహిత్ ఈ ముగ్గురు కాంబోలో ఓ సినిమా రూపుదిద్దుకుంటుంది. ఈ సినిమలో హీరోయిన్ గా అతిధి శంకర్ ను తీసుకున్నారు మూవీ మేకర్స్. ప్రస్తుతం ఈ సినిమా షూటింగ్ హైదరాబాద్ రామోజీ ఫిల్మ్ సిటీలో జరుపుకుంటుంది.
తాజా షెడ్యూల్ లో అతిధి శంకర్ ఈ సినిమా సెట్స్ లో అడుగుపెట్టింది. టాలీవుడ్ కు పరిచయం కానున్ననేపథ్యంలో చిత్ర యూనిట్ అతిధి శంకర్ కు గ్రాండ్ వెల్కమ్ చెప్పింది. అల్లరి నరేష్ తో నాంది, ఉగ్రం చిత్రాలు తెరకెక్కించిన విజయ్ కనకమేడల దర్శకత్వంలో ఈ భారీ ముల్టీస్టారర్ తెరకెక్కుతుంది. తమిళంలో సూరి నటించిన సూపర్ హిట్ చిత్రం గరుడన్ రీమేక్ గా ఈ సినిమా రానుంది. శరవేగంగా షూటింగ్ జరుగుతున్న ఈ సినిమా 2025 సంక్రాంతి కానుకగా విడుదల చేసేందుకు చిత్ర బృందం రెడీ గా ఉంది.
