అల్లు అర్జున్ – అట్లీ కాంబినేషన్‌లో వస్తున్న కొత్త సినిమా గురించి ఎప్పటికప్పుడు కొత్త వార్తలు వినిపిస్తున్నాయి. తాజాగా ఈ చిత్రానికి సంబంధించిన మరో ఆసక్తికరమైన సమాచారం బయటకొచ్చింది. బన్నీ మీద తెరకెక్కుతున్న యాక్షన్ ఎపిసోడ్‌లు ప్రేక్షకులను విపరీతంగా ఆకట్టుకునేలా ఉండబోతున్నాయని టాక్. ముఖ్యంగా ఇంటర్వెల్ సీన్ పూర్తిగా మార్షల్ ఆర్ట్స్ నేపథ్యంలో ఉంటుందని, అది అల్లు అర్జున్ కెరీర్‌లోనే ప్రత్యేకంగా గుర్తుండిపోతుందనే అంచనాలు ఉన్నాయి. ఈ సమాచారం నిజమైతే అభిమానులకు ఇది మరింత ఉత్సాహాన్నిస్తుందని చెప్పొచ్చు.
అట్లీ ఇప్పటికే బన్నీ కోసం ఒక పవర్‌ఫుల్ కథను రెడీ చేశాడని ఇండస్ట్రీలో చర్చ నడుస్తోంది. కథ మాఫియా వాతావరణంలో నడుస్తుందని, డాన్ చుట్టూ స్టోరీ సాగుతుందనే టాక్ వినిపిస్తోంది. ఈ భారీ ప్రాజెక్టును సన్ పిక్చర్స్ నిర్మిస్తోంది. త్వరలోనే షూటింగ్‌ను మొదలు పెట్టే ప్లాన్‌లో మేకర్స్ ఉన్నారని సమాచారం.
ఇక ప్రత్యేకంగా గెస్ట్ రోల్స్ కూడా ఉండబోతున్నాయని, వాటిని ఎవరు చేస్తారనే ఆసక్తి పెరిగింది. మరోవైపు బన్నీ పాత్రలో మూడు విభిన్న కోణాలు ఉంటాయని, వాటిలో ఒకటిలో ఆయన నెగటివ్ షేడ్‌లో కూడా కనిపిస్తాడనే వార్తలు ఫిలింనగర్‌లో చక్కర్లు కొడుతున్నాయి.
