పాన్ ఇండియా రెబల్ స్టార్ ప్రభాస్ హీరోగా దర్శకుడు నాగ్ అశ్విన్ తెరకెక్కించిన సెన్సేషనల్ పీరియాడిక్ అండ్ సైంటిఫిక్‌ యాక్షన్ డ్రామా “కల్కి 2898 ఏడీ”గురించి అందరికీ తెలిసిందే. మరి ఇండియన్ సినిమా బాక్సాఫీస్‌ ని మరోసారి భారీ వసూళ్లతో షేక్ చేసిన ఈ చిత్రం 1000 కోట్ల మార్క్ ని అందుకొని అరుదైన మైలురాయిని నాటింది.
ఇక ప్రభాస్ నుంచి రెండో 1000 కోట్ల సినిమాగా ఇది ఉండగా మన టాలీవుడ్ నుంచి మూడో సినిమాగా నిలిచింది. అయితే ఈ చిత్రంలో ప్రభాస్ భైరవ పాత్రతో పాటు కర్ణుడి పాత్రలో కూడా నటించిన సంగతి తెలిసిందే. సినిమా విడుదలైన తరువాత సినిమాలోని ఒకో పాత్రకు సంబంధించిన పోస్టర్లను చిత్ర బృందం విడుదల చేస్తున్న సంగతి తెలిసిందే.
అప్పటి నుంచి కూడా అభిమానులు అంతా కూడా కర్ణ పోస్టర్ కోసం ఎంతో ఆసక్తిగా ఎదురు చూడగా ఆఫ్ లైన్ లో వచ్చిన పోస్టర్ ఓ రేంజ్ లో వైరల్ అయ్యింది. అయితే ఇప్పుడు అఫీషియల్ గా మేకర్స్ ఎట్టకేలకు 1000 కోట్ల పోస్టర్ గా ప్రభాస్ పోస్టర్‌ని విడుదల చేశారు. మరి ఫుల్ క్లారిటీ తో వచ్చిన ఈ పోస్టర్ నెక్స్ట్ లెవెల్లో ఉందని చెప్పాలి.
