చాలా మంది యజమానులు తమ దగ్గర పని చేసేవారిని కేవలం జీతం తీసుకుంటున్న వారిలానే చూస్తారు కానీ సొంత వాళ్లలాగా చూసుకోరు. కానీ చాలా తక్కువ మంది స్టాఫ్‌ ను కూడా తమ సొంత వారిలాగానే చూసుకుంటూ వారి అవసరాలను, వారి సంతోషాలను పంచుకుంటుంటారు. వారిలో యంగ్‌ టైగర్‌ ఎన్టీఆర్ ఒకరు.
సినిమాల్లో చేయడం అంటే అంత సులువైన పని కాదు..అందులోనూ హీరో అంటే ఎంత జాగ్రత్తగా ఉండాలి. డైరెక్టర్లు కూడా వారి బాడీ పర్సనాలిటీని చూసే సినిమాలకు ఎంపిక చేసుకుంటారు. బాడీ ఫిట్నెస్ మీదే నటుడి చాలా సినిమాలు ఆధారపడి ఉంటాయి. హీరోను దృష్టిలో పెట్టుకునే చాలా మంది డైరెక్టర్లు కథలు కూడా రాసుకుంటారు.
ప్రస్తుతం తారక్‌ రెండు సినిమాలు చేస్తున్నాడు. ఒకటి టాలీవుడ్..ఇంకొటి బాలీవుడ్‌..రెండు కూడా యాక్షన్‌ సినిమాలే. ఇలాంటి సినిమాల్లో చేయాలంటే బాడీ ఫిట్నెస్ చాలా ముఖ్యం. తారక్‌ తన బాడీని ఏ విధంగా ఫిట్ గా ఉంచుకోవాలో ప్రత్యేకంగా చెప్పాల్సిన అవసరం లేదు. అయితే ఈ విషయంలో తన ఫిట్నెస్ కోచ్ మన్నావ్ ఎప్పుడు తారక్‌ కి తోడుగా ఉంటాడు.
ఇకపోతే ప్రస్తుతం జూనియర్ ఎన్టీఆర్ వార్‌ 2 లో నటించేందుకు ముంబైలో ఉన్నాడు. తన ఫిట్నెస్ కోచ్ జన్మదిన వేడుకల్లో జూనియర్ ఎన్టీఆర్ పాల్గొని అతడికి కేక్ తినిపించిన ఫోటోలు ప్రస్తుతం సోషల్ మీడియాలో వైరల్ గా మారాయి. ఈ ఫోటోలను చూసిన జూనియర్ ఎన్టీఆర్ అభిమానులు అందుకే కాబోలు మన జూనియర్ ఎన్టీఆర్ కి ఇంత ఫ్యాన్ ఫాలోయింగ్ అంటూ ఆనందం వ్యక్తం చేస్తున్నారు.
