విశ్వక్‌ సేన్ హీరోగా రాబోతున్న ‘మెకానిక్‌ రాకీ’ మూవీలో శ్రద్ధా శ్రీనాథ్‌ – మీనాక్షి చౌదరి హీరోయిన్లు గా చేసిన సంగతి తెలిసిందే. ఈ చిత్రం ఈనెల 22న ప్రేక్షకుల ముందుకురానుంది. ఈ నేపథ్యంలో ప్రమోషన్స్ లో పాల్గొన్న శ్రద్ధా శ్రీనాథ్‌ విష్వక్‌ సేన్ ‘ఫలక్‌నుమా దాస్’ మూవీ పై ఇంట్రెస్టింగ్ కామెంట్స్ చేసింది.
శ్రద్ధా శ్రీనాథ్‌ మాట్లాడుతూ.. గతంలో తాను విశ్వక్‌సేన్‌ ‘ఫలక్‌నుమా దాస్’ను రిజెక్ట్ చేయడానికి కారణం.. ఆ సినిమా స్క్రిప్ట్‌ నాకు నచ్చలేదు. నటీనటులు సినిమాలను ఎంపిక చేసుకునే క్రమంలో అలా రిజెక్ట్ చేయడం సహజమే’ అని శ్రద్దా ఎంతో శ్రద్దగా చెప్పుకొచ్చింది.
శ్రద్ధా శ్రీనాథ్‌ ఇంకా మాట్లాడుతూ.. ‘అయితే, ‘ఫలక్‌నుమా దాస్’ మూవీకి నేను నో చెప్పిన దగ్గర నుంచి మంచి స్క్రిప్ట్‌ ఉంటే విశ్వక్‌తో నటించే అవకాశం కోసం ఎదురు చూశాను. ఈ క్రమంలోనే ‘మెకానిక్‌ రాకీ’ సినిమా వచ్చింది. ఇంతకు ముందు కంటే ఇప్పుడు విశ్వక్‌ సేన్ చాలా బాధ్యతగా ఉన్నాడు’ అంటూ శ్రద్ధా తెలిపింది.
ఇక ‘మెకానిక్‌ రాకీ’ సినిమా వ్ విషయానికి వస్తే.. ఇది యాక్షన్‌ కామెడీ ఫిల్మ్‌గా రూపుదిద్దుకుంది. రామ్‌ తాళ్లూరి నిర్మించారు. సునీల్, నరేశ్‌ వి.కె తదితరులు ముఖ్య పాత్రలు పోషించారు.
