పాన్ ఇండియా స్టార్ ప్రభాస్ ప్రస్తుతం వరుస మూవీలతో క్షణం తీరిక లేకుండా గడుపుతున్నాడు. ఇప్పటికే ‘ది రాజా సాబ్’, ‘ఫౌజీ’ మూవీస్‌ లో నటిస్తున్న ప్రభాస్ ఈ సినిమాలను వీలైనంత త్వరగా విడుదల చేసేందుకు రెడీ అవుతున్నాడు. ఇక ఈ రెండు సినిమాల్లో వైవిధ్యమైన పాత్రల్లో యాక్ట్‌ చేస్తున్నారు ఈ స్టార్ హీరో.
ఇక ఈ రెండు సినిమాల తర్వాత సెన్సేషనల్ డైరెక్టర్ సందీప్ రెడ్డి వంగా డైరెక్షన్‌ లో ‘స్పిరిట్’ అనే సినిమాలో ప్రభాస్ నటిస్తున్న సంగతి తెలిసిందే. దీంతో ఈ సినిమాతో ప్రభాస్ ఎలాంటి వండర్స్ క్రియేట్ చేస్తాడా అని అందరూ ఎంతో ఆసక్తిగా చూస్తున్నారు. ఇక సందీప్ రెడ్డి వంగా తనదైన మార్క్‌తో ఈ సినిమాను పూర్తి పోలీస్ స్టోరీ కథగా తెరకెక్కించేందుకు రెడీ అవుతున్నాడు.
అయితే, ఈ సినిమాలో ప్రభాస్ పాత్ర అల్టిమేట్‌గా ఉండబోతుందని.. ప్రభాస్‌ని ఇప్పటివరకు చూడనివిధంగా తాను చూపించబోతున్నానని ఇప్పటికే సందీప్ ప్రకటించిన సంగతి తెలిసిందే. కాగా ఈ సినిమా తొలి షెడ్యూల్‌ను త్వరలోనే ప్రారంభించేందుకు సందీప్ రెడ్డి రెడీ అవుతున్నాడు.
ఇక ఈ షెడ్యూల్ షూటింగ్‌ను ఇండొనేషియా రాజధాని జకార్తాలో చేయబోతున్నారనే టాక్ సినీ సర్కిల్స్‌లో జోరుగా వినపడుతుంది. ఈ సినిమాలో కాప్ సీన్స్ కొన్ని ఇక్కడ షూట్ చేస్తారని సమాచారం. మరి ఈ వార్తల్లో ఎంతవరకు నిజం ఉందనేది చూడాలి. ఇక ఈ సినిమాలో ప్రభాస్ లుక్స్ అల్ట్రా స్టైలిష్‌గా ఉంటాయని చిత్ర వర్గాలు అంటున్నాయి.
