యంగ్‌ హీరో నిఖిల్ ప్రధాన పాత్రలో రాబోతున్న తెలుగు రొమాంటిక్ యాక్షన్ డ్రామా సినిమా ‘అప్పుడో ఇప్పుడో ఎప్పుడో’. ఈ సినిమాకి సుధీర్ వర్మ దర్శకత్వం వహించిన సంగతి తెలిసిందే. ఈ మూవీ ఈ శుక్రవారం ప్రేక్షకుల ముందుకు రానుంది.
ఈ రోజు ట్రైలర్ విడుదల కానుంది. శాండల్‌వుడ్ బ్యూటీ రుక్మిణి వసంత్ టాలీవుడ్ ఎంట్రీ ఇస్తున్న సినిమా ఇది. ఐతే, ఈ సినిమా ప్రేక్షకులను కచ్చితంగా అలరిస్తుందని నిఖిల్ తన ప్రమోషనల్ ఇంటర్వ్యూలో చెప్పుకొచ్చారు. స్వామి రారా సినిమాలో మిస్ అయిన ప్రేమకథ ఈ సినిమాలో ఉందని, ప్రేక్షకులను కట్టిపడేసేలా ఈ సినిమా స్క్రీన్‌ప్లే ఉంటుందని నిఖిల్ తెలిపారు.
నిఖిల్ ఇంకా మాట్లాడుతూ.. ‘ఈ సినిమా క్లైమాక్స్ ట్విస్ట్‌ను ఎవరూ ఊహించలేరని, అలాగే ఈ చిత్రం ప్రతి పది నిమిషాలకు ఆశ్చర్యకరమైన ట్విస్ట్‌ను అందిస్తుందని నిఖిల్ చెప్పడం విశేషం. ఈ చిత్రంలో దివ్యాంశ కౌశిక్ మరో హీరోయిన్ గా చేస్తోంది. ఎస్‌విసీసీ బ్యానర్‌పై ఈ చిత్రాన్ని బీవీఎస్ఎన్ ప్రసాద్ నిర్మిస్తున్నారు. అలాగే, ఈ చిత్రానికి కార్తీక్ సంగీతం అందిస్తున్నారు.
