యంగ్ నటుడు, ఛార్మింగ్‌ స్టార్‌ శర్వానంద్ హీరోగా కృతి శెట్టి హీరోయిన్ గా నటించిన తాజా చిత్రం మనమే. ఈ సినిమా అనుకున్న రేంజ్‌ లో విజయాన్ని అందుకోలేకపోయినా ఇందులో శర్వా నటనకు మాత్రం మంచి మార్కులే పడ్డాయి. తాజాగా శర్వానంద్ తన 37వ సినిమాలో బిజీగా ఉన్నాడు. ఈ సినిమాకి రామ్ అబ్బరాజు దర్శకత్వం వహిస్తుండగా ప్రముఖ నిర్మాణ సంస్థ ఏకే ఎంటర్టైన్మెంట్స్ వారు నిర్మాణం వహిస్తున్నారు.
అయితే ఈ సినిమా నుంచి మేకర్స్ ఇంట్రెస్టింగ్ అప్డేట్ ని అభిమానుల ముందుకు తీసుకుని వచ్చారు. ఈ సినిమాలో నటించే హీరోయిన్ ని పరిచయం చేస్తూ యంగ్ హీరోయిన్ సాక్షి వైద్యని అభిమానులకు పరిచయం చేశారు. మరి ఈ సినిమాలో ఈమె నిత్యాగా కనిపించనుంది అని డీసెంట్ లుక్స్ తో కూడిన ఫస్ట్ లుక్ పోస్టర్ ని మేకర్స్ విడుదల చేశారు. మరి ఇందులో ఈమె చాలా అందంగా కనిపిస్తూ ఆకట్టుకునేలా ఉంది. ఈ సినిమాలో ఆమె ఎలాంటి పెర్ఫామెన్స్ ని అందించనుందో వేచి చూడాల్సిందే.
