యంగ్‌ స్టార్ బాయ్‌ సిద్ధు జొన్న‌ల‌గ‌డ్డ న‌టించిన ‘డీజే టిల్లు’, ‘టిల్లు స్క్వేర్’ బాక్సాఫీస్ ద‌గ్గ‌ర ఎలాంటి బ్లాక్ బ‌స్ట‌ర్ హిట్ల ను అందుకున్నాయో తెలిసిన విషయమే. సిద్ధు త‌న‌దైన యాక్టింగ్ తో ఈ సినిమాల‌ను ఆడియెన్స్ కు బాగా క‌నెక్ట్ అయ్యేలా చేయ‌డంలో ఫుల్‌ గా స‌క్సెస్ అయ్యాడు. ఇక ఇప్పుడు తాజాగా ”టిల్లు క్యూబ్” అంటూ ఈ సినిమాల‌కు కొన‌సాగింపును చేస్తున్నాడు.
అయితే, డీజే టిల్లులో నేహా శెట్టి హీరోయిన్ గా త‌న అందాల‌తో కుర్ర‌కారును బాగా ఆక‌ట్టుకుంది. ఇక టిల్లు స్క్వేర్ లో అనుప‌మ ప‌ర‌మేశ్వ‌ర‌న్ కూడా త‌న అందంతో పాటు అభిన‌యంతో కట్టిపడేసింది. అయితే, టిల్లు క్యూబ్ లో ఓ తెలుగు బ్యూటీని హీరోయిన్ గా తీసుకునేందుకు సిద్ధు ప్లాన్ సిద్దం చేస్తున్నాడంట.
”ట్యాక్సీవాలా” ఫేం ప్రియాంక జావల్క‌ర్ ఇటీవ‌ల స‌రైన హిట్ లేక స‌త‌మ‌తువుతోంది. అయితే, ఈ బ్యూటీని ‘టిల్లు క్యూబ్’ లో లీడ్ హీరోయిన్ గా తీసుకునేందుకు ప్ర‌య‌త్నాలు జ‌రుగుతున్నాయని టాక్‌. ఒక‌వేళ ఇదే నిజ‌మైతే, అమ్మ‌డికి ఇది గోల్డెన్ ఛాన్స్ అనే చెప్పుకొవచ్చు. ఈ సినిమాతో ఆ అమ్మడు తిరిగి త‌న కెరీర్ ను ట్రాక్ ఎక్కించే అవ‌కాశం దొరుకుతుంది. దీనికి సంబంధించిన అఫీషియ‌ల్ అనౌన్స్ మెంట్ త్వ‌రలో రానుంది.
