సుప్రీమ్ హీరో సాయి దుర్గ తేజ్ నటిస్తున్న తాజా సినిమాని SDT18 అనే వర్కింగ్ టైటిల్‌తో రూపొందిస్తున్నారు. భారీ థ్రిల్లింగ్ పీరియడ్ యాక్షన్ డ్రామాగా తెరకెక్కుతున్న ఈ సినిమాను రోహిత్ కెపి డైరెక్ట్ చేస్తుండగా, ఈ సినిమాలో భారీ క్యాస్టింగ్ నటిస్తోంది.
ఇప్పటికే ఈ సినిమా మేకింగ్ గ్లింప్స్‌ని చిత్ర యూనిట్ విడుదల చేయగా, దానికి ప్రేక్షకుల నుండి సాలిడ్‌ రెస్పాన్స్ అందుకుంది.
ఇక ఈ సినిమాలో వెర్సటైల్ యాక్టర్ జగపతి బాబు ఓ కీలక పాత్రలో యాక్ట్ చేస్తున్నట్లు ఇటీవల చిత్ర బృందం ప్రకటించింది. అయితే, తాజాగా ఈ సినిమాలో మరో విలక్షణ నటుడు, డైలాగ్ కింగ్ సాయి కుమార్ కూడా ఓ వైవిధ్యమైన పవర్‌ఫుల్ పాత్రలో చేస్తున్నట్లు చిత్ర బృందం ప్రకటించింది.
ఈ మేరకు ఓ పవర్‌ఫుల్ పోస్టర్‌ని కూడా వారు విడుదల చేశారు. సాయి కుమార్ పాత్ర ఈ సినిమాను నెక్స్ట్ లెవెల్‌కి తీసుకెళ్తుందని మేకర్స్ ధీమా గా ఉన్నారు. ఈ సినిమా కోసం సాయి దుర్గ తేజ్ భారీ మేకోవర్ చేయనున్నట్లు సమాచారం.
ఆయన ఇప్పటికే భారీగా బాడీ బిల్డ్ చేస్తున్నాడు. ఇక ఈ సినిమాలో అందాల భామ ఐశ్వర్య లక్ష్మీ హీరోయిన్‌గా నటిస్తోండగా ఈ సినిమాకు అజనీష్ లోక్‌నాథ్ సంగీతం అందించనున్నాడు..
