ప్రస్తుతం పాన్ ఇండియా ఆడియెన్స్ ఎంతో ఆసక్తిగా ఎదురు చూస్తున్న భారీ బడ్జెట్‌ చిత్రం “దేవర” గురించి అందరికీ తెలిసిందే. మ్యాన్ ఆఫ్ మాసెస్ ఎన్టీఆర్ హీరోగా నటించిన ఈ సినిమాని దర్శకుడు కొరటాల శివ ఎంతో ప్రతిష్టాత్మకంగా తెరకెక్కించారు. మరి ఈ భారీ యాక్షన్ తో కూడిన పీరియాడిక్ డ్రామాగా ఈ సినిమా విడుదలకి వస్తుండగా మన తెలుగు రాష్ట్రాల్లో కూడా భారీ ప్లానింగ్ లు దేవర కోసం జరుగుతున్న విషయం తెలిసిందే.
అలా ఏపీ ప్రభుత్వం దేవర కోసం 27 తెల్లవారు జామున 12 గంటలతోనే మొదటి షోస్ కి పర్మిషన్స్ ఇవ్వడమే కాకుండా టికెట్‌ ధరల పెంపునకు కూడా గ్రీన్‌ సిగ్నల్‌ ఇచ్చింది. దీంతో ఏపీ ముఖ్యమంత్రి నారా చంద్రబాబు నాయుడుకి అలాగే ఉప ముఖ్యమంత్రి టాలీవుడ్ పవర్ స్టార్ పవన్ కళ్యాణ్ కి కూడా తారక్ ప్రత్యేక కృతజ్ఞతలు తెలియజేశాడు.
తెలుగు సినిమాకి ఇంతలా సప్పోర్ట్ చేస్తూ నిలిచినందుకు నా హృదయపూర్వక ధన్యవాదాలు తెలుపుతున్నాను అని అలాగే సినిమాటోగ్రఫీ మంత్రి కందుల దుర్గేష్ గారికి కూడా ప్రత్యేక ధన్యవాదాలు తెలియజేస్తున్నట్టుగా దేవర విషయంలో తారక్ ఆనందం వ్యక్తం చేసాడు. దీనితో పవన్, తారక్ అభిమానులు కూడా సోషల్ మీడియాలో ఆనందం వ్యక్తం చేస్తూ దేవర స్పెషల్‌ షోల కోసం ఎదురు చూస్తున్నారు.
