పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా యంగ్ డైరెక్టర్‌ జ్యోతి కృష్ణ తెరకెక్కిస్తున్న భారీ పాన్ ఇండియా సినిమా “హరిహర వీరమల్లు” గురించి అందరికీ తెలిసిందే. అయితే ఎప్పుడు నుంచో షూటింగ్ జరుపుకుంటున్న ఈ చిత్రం ఇపుడు అంతిమ దశలో ఉంది.
ఇంకా పవన్ కొన్ని రోజులు కేటాయించాల్సి ఉండగా ఇటీవల సినిమా ఫస్ట్ సింగిల్ ని విడుదల చేస్తామని చెప్పిన మేకర్స్ ఆ తర్వాత దాని ఊసే వదిలేశారు. ఇక లేటెస్ట్ గా అయితే దీనిపై మరో టాక్ వినిపిస్తుంది. దీని ప్రకారం ఈ సాంగ్ రానున్న డిసెంబర్ రెండో వారానికి ప్లాన్ చేస్తున్నట్లు తెలుస్తోంది. మరి దీనిపై అధికారిక క్లారిటీ ఇంకా రావాల్సి ఉంది. ఇక ఈ భారీ సినిమాకు కీరవాణి సంగీతం ఇస్తున్నారు. అలాగే ఏ ఎం రత్నం నిర్మాణ బాధ్యతలు చేపట్టారు.
