బాలీవుడ్ యంగ్‌ హీరో సుశాంత్‌ సింగ్‌ రాజ్‌పుత్‌ ఇంటిని నటి ఆదాశర్మ కొనుగోలు చేసిందనే వార్తలు నెట్టింట్లో షికారు కొడుతున్న విషయం తెలిసిందే. దీని గురించి ఆదాశర్మ మాట్లాడారు. ” ప్రస్తుతానికి నేను ప్రేక్షకుల గుండెల్లో ఉంటున్నా.. అందుకు అద్దె ఇవ్వాల్సిన అవసరం లేదు. ఏ విషయం గురించైనా మాట్లాడటానికి ఓ సమయం సందర్భం ఉంటుంది.
ఆ ఇంటిని చూసేందుకు వెళ్లినప్పుడు మీడియా మొత్తం నా మీదనే ఫోకస్‌ పెట్టింది. అందుకు నాకు సంతోషంగానే ఉంది కానీ.. నేను ఓ ప్రైవేట్‌ వ్యక్తిని.. ఈ భూమి మీద లేని వ్యక్తి గురించి ఇష్టం వచ్చిన రీతిగా మాట్లాడటం సరైన పద్దతి కాదు. ఆయన గౌరవాన్ని కాపాడటం నా ముఖ్య ఉద్దేశం.. చనిపోయిన వారి గురించి కామెంట్లు చేయడం కరెక్ట్‌ కాదు అంటూ చెప్పుకొచ్చింది.
