కోలీవుడ్ స్టార్ హీరో సూర్య చేసిన భారీ పాన్ ఇండియా సినిమా “కంగువా”. ఈ సినిమా నిజానికి ఈ దీపావళి కానుకగా విడుదల అవ్వాల్సి ఉన్న సంగతి తెలిసిందే. అలాగే ఈ సినిమా కాకుండా తాను తన కెరీర్ 44వ చిత్రాన్ని ఒక కామెడీ, గ్యాంగ్ స్టర్ లవ్ డ్రామాని టాలెంటెడ్ దర్శకుడు కార్తీక్ సుబ్బరాజ్ తో ప్లాన్ చేసినట్లు ఎప్పుడో సూర్య ప్రకటించారు.
మరి ఈ సినిమా కోసం అభిమానులు ఎంతో ఆసక్తిగా ఎదురు చూస్తుండగా సూర్య ఊహించని అప్డేట్ ని ప్రేక్షకుల ముందుకు తీసుకుని వచ్చాడు.. కంగువా పూర్తి చేసి ఇందులోకి వచ్చాడో లేదో ఆ సినిమా ఇంకా విడుదల కాకుండానే ఈ సినిమాని పూర్తి చేసేసినట్టుగా రివీల్ చేసాడు. దీంతో తన చిత్ర యూనిట్ దర్శకుడితో కలిపి ఉన్న ఫోటోలు షేర్ చేసి సినిమా షూటింగ్ మెమోరీస్ ని నెమరు వేసుకుంటూ ఆనందం వ్యక్తం చేసాడు.
దీంతో అభిమానులు ఆనందం వ్యక్తం చేస్తున్నారు. ఇక ఈ చిత్రంలో సూర్య సరసన పూజా హెగ్డే నటించగా 2డి ఎంటర్టైన్మెంట్స్ వారు నిర్మాణ బాధ్యతలు చేపట్టారు. అలాగే సంతోష్ నారాయణన్ ఈ చిత్రానికి సంగీతం అందించారు.
