అందాల ముద్దుగుమ్మ రష్మిక గురించి ప్రత్యేకంగా పరిచయం అవసరం లేదు. అమ్మడు వరుస హిట్లు కొడుతూ నేషనల్ క్రష్ గా మంచి పేరు తెచ్చుకుంది. తాజాగా తన కెరీర్ లో మెమొరబుల్ ఇయర్ 2024కు సెండాఫ్ ఇచ్చేందుకు సిద్దమైంది నేషనల్ క్రష్. ఈ ఏడాది ఆమె “పుష్ప 2” వంటి బ్లాక్ బస్టర్ హిట్ అందుకున్న సంగతి తెలిసిందే. పాన్ ఇండియా లెవల్లో బాక్సాఫీస్ వసూళ్లలో బాలీవుడ్ లోనూ కొత్త రికార్డులను క్రియేట్ చేస్తుంది పుష్ప 2 సినిమా.
ఈ చిత్రంలో శ్రీవల్లిగా రష్మిక పర్ ఫార్మెన్స్ అందరినీ బాగా ఆకర్షించింది. ప్రత్యేకించి జాతర ఎపిసోడ్ లో రష్మిక డైలాగ్స్ అయితే ఏ రేంజ్‌ లో ఉంటాయో అందరికి తెలిసిందే. రష్మికకు ఎంతోమంది కొత్త అభిమానులను సంపాదించిపెట్టింది పుష్ప 2 సినిమా.“పుష్ప 2” తో పాటు రష్మిక నటిస్తున్న ది గర్ల్ ఫ్రెండ్ సినిమా టీజర్ తాజాగా విడుదలై హ్యూజ్ రెస్పాన్స్ తెచ్చుకుంది. ఈ సినిమా రష్మిక కెరీర్ లో మరో మైల్ స్టోన్ అవ్వనుంది.
బాలీవుడ్ లో సల్మాన్ ఖాన్ సరసన రష్మిక నటిస్తున్న సికిందర్ సినిమా కూడా రెగ్యులర్ చిత్రీకరణ జరుగుతుంది. ఈ సినిమాలో నటించడం కూడా రష్మికకు 2024 మిగిల్చిన ఒక మంచి జ్ఙాపకమే అని తెలుస్తుంది. ఈ బ్లాక్ బస్టర్ ఇయర్ కు సెండాఫ్ ఇస్తూ మరో సెన్సేషనల్ స్టార్ట్ కోసం 2025 కు వెల్ కమ్ చెప్పేందుకు ఆమె ఎంతో బాగా ఎదురు చేస్తుంది.
