డైరెక్టర్ శ్రీను వైట్ల కమర్షియల్ ఎంటర్‌టైనర్‌లను డీల్ చేయడంలో మంచి ఎక్స్‌పర్ట్‌ అనే విషయం తెలిసిందే. ముఖ్యంగా కామెడీని హ్యాండిల్ చేయడంలో అందవేసిన చెయ్యి. మ్యాచో హీరో గోపీచంద్ తో శ్రీను వైట్ల రూపొందిస్తున్న స్టైలిష్ యాక్షన్, ఫ్యామిలీ ఎంటర్‌టైనర్‌ ‘విశ్వం’ సినిమా. ఈ సినిమా ప్రమోషన్స్‌ను కిక్ స్టార్ట్ చేస్తూ మేకర్స్ టీజర్‌ను తాజాగా ప్రేక్షకుల ముందుకు తీసుకుని వచ్చారు.
టీజర్ లాంచ్ ఈవెంట్ లో హీరో గోపీచంద్ మాట్లాడుతూ.. విశ్వ ప్రసాద్ గారికి చాలా థ్యాంక్స్‌. ఆయన లేకపోతే ఈ సినిమా ఇంత స్మూత్ గా పూర్తయ్యేది కాదు. శ్రీనువైట్ల గారితో సినిమా చేయాలని ఎన్నో సంవత్సరాల నుంచి అనుకుంటున్నాను. వన్ ఇయర్ బ్యాక్ ఆయన్ని ఓ పార్టీలో కలవడం, సినిమా చేద్దామని అనుకోవడం, అక్కడి నుంచి మా జర్నీ మొదులయ్యింది.
నేను చాలా మంది డైరెక్టర్స్ తో వర్క్ చేశాను. శ్రీను వైట్ల గారు కంఫర్ట్ బుల్, హీరో డైరెక్టర్. హీరోని ఎలా చూపించాలనే కంప్లీట్ క్లారిటీ ఉన్న డైరెక్టర్. ఈ జర్నీ చాలా ఎంజాయ్ చేశాను. ఆయనతో మరిన్ని సినిమాలు చేయాలని ఉంది. సినిమా చాలా బాగా వచ్చింది. ఒక మంచి ఎంటర్ టైనర్ చేయాలని అనుకున్నాను. శ్రీను గారు అందులో మాస్టర్. ఇంత పెద్ద స్కేల్ లో ఆయన మార్క్ మిస్ అవ్వకుండా ఎవ్రీ ఫ్రేంలో నవ్వు వస్తూనే ఉంటుంది.
అందరూ కచ్చితంగా ఎంజాయ్ చేస్తారు. కావ్య చాలా బాగా చేసింది. చేతన్ మంచి మ్యూజిక్ ఇచ్చారు. గోపి మోహన్ నా లక్ష్యం, లౌక్యం తర్వాత మళ్ళీ ఇన్ని సంవత్సరాలకు నా సినిమాకి పని చేశారు. టీం అంతా చాలా హార్డ్ వర్క్ చేశాం. ఈ సినిమా డెఫినెట్ గా మంచి హిట్ అవుతుందనే నమ్మకం ఉందన్నారు.
