మాస్ మహారాజా రవితేజ తాజాగా నటించిన మిస్టర్ బచ్చన్ సినిమా విడుదలకు సిద్దంగా ఉంది. ఈలోపు తన తరువాత సినిమాను ట్రాక్‌ ఎక్కించే పనిలో ఫుల్‌ బిజీగా ఉన్నాడు మాస్ మహారాజా. ఓ సినిమా పూర్త‌వ్వగానే పెద్దగా గ్యాప్ తీసుకోకుండా మరో సినిమాను సెట్స్ పైకి తీసుకెళుతున్నాడు రవి. ప్ర‌స్తుతం మాస్ మహారాజా నటిస్తున్న 75వ సినిమా సెట్స్‌పై ఉంది. భాను బోగ‌వ‌రపు డైరెక్షన్‌ లో తెర‌కెక్కుతోన్న ఈ సినిమాను సితార ఎంట‌ర్‌టైన్మెంట్స్, ఫార్చ్యూన్ ఫోర్ సినిమాస్ బ్యాన‌ర్స్‌పై సూర్య‌దేవ‌ర నాగ‌వంశీ, సాయి సౌజ‌న్య నిర్మిస్తున్నారు.
శ్రీలీల హీరోయిన్‌గా న‌టిస్తోంది. ఈ సినిమాకు సంబంధించి ఓ ఇంట్రెస్టింగ్ న్యూస్ ఇండస్ట్రీలో షికారు చేస్తుంది.సితార యూనిట్ నుండి అందుతున్న సమాచారం ప్రకారం రవితేజ, శ్రీలీల సినిమాకు “కోహినూర్” అనే టైటిల్ ఫిక్స్ చేశారని సమాచారం. తెలంగాణ నేప‌థ్యంలో ఈ సినిమా తెర‌కెక్కనున్నట్టు సమాచారం. ల‌క్ష్మ‌ణ్ భేరి అనే పాత్ర‌లో రవి ఈ సినిమాలో సందడి చేయబోతున్నాడు.
రవితేజకు తగ్గట్టు మాస్ ఎలిమెంట్స్‌తో పాటు కామెడీ ట‌చ్ ఉండేలా మాస్ రాజా పాత్ర‌ను డిజైన్ చేసినట్లు సమాచారం. వ‌చ్చే ఏడాది సమ్మర్ బ‌రిలో సినిమాను దింపాల‌నేది మేకర్స్ ఆలోచ‌న. అందుకోసమే కోహినూర్ చిత్రీక‌ర‌ణ శ‌ర‌వేగంగా చేస్తున్నారు మేకర్స్. ఇదిలా ఉంటే మరో వైపు ఆగ‌స్ట్ 15న రవితేజ ‘మిస్టర్ బచ్చన్’ సినిమాతో థియేటర్లలో సందడి చేయ‌టానికి రెడీ గా ఉన్నారు. దీనికి హారీష్ శంక‌ర్ ద‌ర్శ‌క‌త్వం వ‌హించారు.
