టాలీవుడ్‌ ముద్దుగుమ్మ శ్రీలీల గురించి ఎంత చెప్పినా తక్కువే..ఫస్ట్‌ సినిమాతోనే స్టార్ హీరోయిన్ రేంజ్‌ ను సొంతం చేసుకుంది. అక్కడ నుంచి ఆమె వెనక్కి తిరిగి చూసుకోలేదు. వరుస సినిమాలకు ఓకే చెబుతూ..బ్యాక్ టు బ్యాక్ సినిమాలు చేసుకుంటూ వెళ్తుంది. ఈ క్రమంలోనే బోలేడు హిట్ సినిమాలను తన ఖాతాలో వేసుకుంది.
అయితే ఈ ఏడాది ఈ ముద్దుగుమ్మ కు అంతగా కలిసి రాలేదు. గుంటూరు కారం సినిమాతో ప్రేక్షకులను పలకరించిన ఈ అమ్మడుకు సినిమా ఆశించిన హిట్ ను సొంతం చేసుకోలేకపోయింది. ప్రస్తుతం శ్రీలీల పెద్దగా సినిమాల్లో కనిపించడం లేదు. కానీ సోషల్ మీడియాలో మాత్రం తన లేటెస్ట్ ఫొటోలతో కుర్రకారును ఆకట్టుకొనే ప్రయత్నం చేస్తుంది. ఇదిలా ఉండగా ఇప్పుడు ఐటమ్ సాంగ్ లో నటిస్తుందనే వార్తలు వినిపిస్తున్నాయి. తమిళ స్టార్ హీరో విజయ్ దళపతి నటిస్తున్న చిత్రం గోట్ లో ఈ అమ్మడు ఐటమ్ సాంగ్ చేస్తుందనే ఓ వార్త షికారు చేస్తుంది.
వెంకట్‌ప్రభు దర్శకత్వం వహిస్తున్న ఈ చిత్రాన్ని ఏజీఎస్‌ ఎంటర్‌టెయిన్‌మెంట్‌ సంస్థ భారీ ఎత్తున నిర్మిస్తోంది. ఈ సినిమాలో స్పెషల్ సాంగ్ ను శ్రీలీల చెయ్యనుందనే టాక్.. ఆమెతో మేకర్స్ సంప్రదింపులు చేస్తున్నట్లు సమాచారం..
