యంగ్‌ స్టార్ బ్యూలీ శ్రీలీల నటన, డ్యాన్స్ , అందం గురించి తెలుగు ప్రేక్షకులకు ప్రత్యేకంగా చెప్పాల్సిన పని లేదు. గతేడాది వరుస సినిమాలతో ఫుల్‌ బిజీగా ఉంది ఈ ముద్దుగుమ్మ. ఆ సమయంలో ఈ భామ డేట్స్‌ అడ్జస్ట్‌ చేయలేక బోలెడు సినిమాలు వదులుకుంది. కానీ ఆమె నటించిన సినిమాలేవీ కూడా అంతగా ఆకట్టుకోలేకపోయాయి. గతేడాది ఆమె నటించిన 4 సినిమాలు విడుదల అవ్వగా అందులో భగవంత్ కేసరి మినహా మిగిలిన సినిమాలు డిజాస్టర్ గా నిలిచాయి.
ఈ ఏడాది గుంటూరు కారం సినిమాతో హిట్ అందుకున్న కూడా ఈ సినిమాలో శ్రీలీల పాత్రకు అంత స్కోప్‌ లేదు. ప్రస్తుతం ఈ భామ చేతిలో పవన్ కల్యాణ్ హీరోగా నటిస్తున్న ఉస్తాద్ భగత్ సింగ్ సినిమా మాత్రమే ఉంది.ప్రస్తుతం ఈ భామకు తెలుగులో అవకాశాలు తగ్గాయి. అయితే తాజాగా ఈ భామకు కోలీవుడ్ నుంచి పెద్ద హీరోల సినిమాలలో నటించే అవకాశాలు వచ్చినట్లు సమాచారం.
కోలీవుడ్ స్టార్ హీరో విజయ్ దళపతి ,వెంకట్ ప్రభు కాంబోలో వస్తున్న “ది గోట్ ” మూవీలో స్పెషల్ సాంగ్ చేసేందుకు ఆఫర్ వచ్చినట్లు టాక్. కానీ ఈ ఆఫర్ శ్రీలీల ఒప్పుకోలేదంట. అంతేకాకుండా తమిళ స్టార్ హీరో అజిత్ సరసన “గుడ్ బ్యాడ్ అగ్లీ” అనే సినిమాలో నటిస్తుంది. త్వరలోనే ఈ సినిమా షూటింగ్ మొదలవుబోతున్నట్లు సమాచారం.
ఈ మూవీని మార్క్ ఆంటోనీ ఫేమ్ “అధిక్ రవిచంద్రన్” తెరకెక్కిస్తున్నారు. టాలీవుడ్ లో వరుస ఆఫర్స్ ఒప్పుకొని నిండా మునిగిన శ్రీలీల కోలీవుడ్ లో ఆ తప్పు చేయకూడదని విజయ్ మూవీ ఆఫర్ తిరస్కరించినట్లు సమాచారం
