నితిన్ వెంకీ కుడుముల సినిమా పేరు రాబిన్ హుడ్ అని ప్రకటించిన సంగతి తెలిసిందే. ఈ సినిమా షూటింగ్‌ కూడా చాలా వేగంగా జరుగుతోంది. ఈ సినిమాని మైత్రీ మూవీ మేకర్స్ నిర్మిస్తున్నారు. ఈ సినిమాని ప్రపంచవ్యాప్తంగా డిసెంబర్ 20న విడుదల చేస్తున్నామని కూడా చిత్ర బృందం అధికారికంగా ప్రకటించిన విషయం తెలిసిందే.
ఈ సినిమాలో రాబిన్ హుడ్ గా నితిన్ మునుపెన్నడూ లేని తరహా పాత్రలో కనిపించబోతున్నాడు అని తెలుస్తుంది. అలాగే దర్శకుడు వెంకీ కుడుముల, నితిన్ లుక్ ని ప్రత్యేకంగా ఈ సినిమా కోసమని మార్చినట్లు సమాచారం. ఇంతకు ముందు ఎప్పుడూ కూడా నితిన్ చెయ్యని ఓ కొత్త పాత్రలో నితిన్ నటిస్తున్నాడని అంటున్నారు.
నితిన్ ని దొంగగా పరిచయం చేసిన టీజర్‌ హాస్యభరితంగా ఉండగా.. కొద్ది రోజుల క్రితం విడుదల చేసిన ఓ చిన్న వీడియో పూర్తి యాక్షన్‌ డ్రామాగా ఉండబోతున్నట్లు తెలుస్తోంది. మైత్రీ మూవీ మేకర్స్ అత్యంత భారీ బడ్జెట్ తో ఈ చిత్రాన్ని నిర్మిస్తోంది. ఇదిలా ఉండగా ఈ సినిమాలో కథానాయికగా రాశి ఖన్నా చేస్తున్నట్టుగా వినికిడి. ఇంతకు ముందు ఈ సినిమాలో ఇద్దరు హీరోయిన్లు పేర్లు ప్రకటించారు, కానీ వారు ఈ సినిమాలో చెయ్యడం లేదు. మొదటిసారిగా ప్రకటించినప్పుడు రష్మిక మందన్న కథానాయిక అని అధికారికంగా అన్నారు.
కానీ ఆమె అప్పుడు హిందీ సినిమా చేస్తూ ఉండటంతో ఈ సినిమా నుండి పక్కకు జరిగింది. ఆ తరువాత ఆమె ప్లేస్ లో శ్రీలీలని అధికారికంగా ప్రకటించారు. కానీ నితిన్, శ్రీలీల సినిమా ‘ఎక్స్ ట్రా ఆర్డినరీ మాన్’ బాక్స్ ఆఫీస్ దగ్గర విఫలం అవటంతో, శ్రీలీలని కూడా కాదు అనుకున్నారు. ఇప్పుడు ఆమె ప్లేస్ లో రాశి ఖన్నాని తీసుకున్నారని తెలుస్తోంది. ఇంకా ఈ సినిమా షూటింగ్‌ జరుగుతుండగానే విడుదల తేదీని ప్రకటించారు.
రాబిన్ హుడ్ డిసెంబర్ 20న విడుదల కానుంది. క్రిస్మస్ సెలవులు, ఆ తర్వాత న్యూ ఇయర్ సెలవులు ఈ సినిమాకి కలిసి రానున్నాయని అందువలన ఆ తేదీకి ఖరారు చేసినట్టుగా తెలుస్తోంది. జీవీ ప్రకాష్ కుమార్ సంగీతం అందిస్తున్నారు.
