నందమూరి నటసింహం బాలయ్య బాబు – బోయపాటి శ్రీను కాంబోలో వచ్చిన ‘అఖండ’ మూవీ అద్భుత విజయాన్ని అందుకున్న సంగతి తెలిసిందే. దీంతో, ‘అఖండ 2 – తాండవం’ పై భారీ అంచనాలు ఏర్పడ్డాయి. ప్రస్తుతం అన్నపూర్ణ స్టూడియోలో వేసిన ప్రత్యేక సెట్ లో బాలయ్య నటిస్తున్న అఘోర పాత్ర పై కీలక సన్నివేశాలను తెరకెక్కిస్తున్నారు. సినిమా మొత్తానికే ఈ సన్నివేశాలు మెయిన్ హైలైట్ గా నిలుస్తోందని తెలుస్తోంది. పైగా బాలయ్య నటన కూడా ఈ సన్నివేశాల్లో చాలా అద్భుతంగా ఉంటాయట.
కాగా పలు కీలక పాత్రల్లో ఇతర భాషల నటులను ఈ సినిమాలో తీసుకున్నారట. థమన్ ఈ సినిమాకు సంగీతం అందిస్తున్నారు. బోయపాటి శ్రీను – బాలయ్య కాంబో లో హ్యాట్రిక్ విజయాలు నమోదైన సంగతి తెలిసిందే. దీంతో ‘అఖండ 2 – తాండవం’ పై రెట్టింపు అంచనాలు ఏర్పడ్డాయి. అన్నట్టు మేకర్స్ ఈ ఏడాది సెప్టెంబర్ 28న పాన్ ఇండియా లెవెల్లో రిలీజ్ కి తీసుకొస్తున్నారు.
