తమిళ స్టార్ హీరోస్ లో ఒకరైన థలా అజిత్ కుమార్ కి ఇటీవల కేంద్ర ప్రభుత్వం పద్మభూషణ్ అవార్డు ప్రకటించింది. దీనితో అజిత్ అభిమానులు ఎంతో ఆనందం వ్యక్తం చేయగా దేశ వ్యాప్తంగా సినీ అలాగే రాజకీయ ప్రముఖులు కూడా అభినందనలు తెలియజేశారు. అయితే తాజాగా మన టాలీవుడ్ యంగ్ అండ్ టాలెంటెడ్ డైరెక్టర్‌, తెలుగులో మొట్ట మొదటి సూపర్ హీరో సినిమా చేసి సెన్సేషనల్ హిట్ కొట్టిన ప్రశాంత్ వర్మ కూడా ప్రత్యేకంగా విష్ చేశాడు.
అజిత్ ని కలిసి ఇద్దరు కలిసి ఉన్న పిక్ ని షేర్ చేసి మరీ అజిత్ ఈ పద్మ అవార్డుకి ఎంతో అర్హులు అని తెలిపాడు. మరి దీంతో అజిత్ ఫ్యాన్స్ మాత్రం తమ హీరోతో ఒక సినిమా చెయ్యాలని కామెంట్స్ లో అడుగుతున్నారు. మరి ప్రశాంత్ వర్మ వారి రిక్వెస్ట్ మేర అజిత్ తో కూడా కోలాబ్ అవుతాడేమో చూడాలి మరి. ఆల్రెడీ కన్నడ నటుడు రిషబ్ శెట్టితో “జై హనుమాన్” చేస్తున్న విషయం తెలిసిందే.
మరి ముందు లైనప్ లో అజిత్ తో కూడా సినిమా పడితే వేరే లెవెల్లో ఉంటుందని చెప్పాలి. ప్రస్తుతం అజిత్ నటించిన సినిమాలు “పట్టుదల”, “గుడ్ బ్యాడ్ అగ్లీ” సినిమాలు విడుదలకి సిద్ధంగా ఉన్నాయి.
