స్టార్‌ డైరెక్టర్ ప్రశాంత్ నీల్ గతేడాది పాన్ ఇండియా హీరో ప్రభాస్ తో రూపొందించిన సినిమా సలార్‌. ఈ సినిమా భారీ విజయాన్ని అందుకుని మంచి కలెక్షన్స్ రాబట్టింది. ఈ సినిమా సూపర్‌ హిట్‌ కావడంతో సలార్‌ పార్ట్‌ 2 పై భారీగా అంచనాలు పెరిగిపోయాయి. ప్రస్తుతం ప్రభాస్ కల్కి సినిమాతో ఫుల్‌ బిజీగా ఉండడంతో సలార్‌ 2 కొంచెం ఆలస్యంగా సెట్స్‌ మీదకు వెళ్తుందని సమాచారం.
కానీ ఇంతలో ఎన్టీఆర్, ప్రశాంత్ నీల్ కాంబోలో మూవీ రాబోతున్నట్లు కొత్త ట్విస్ట్‌ బయటకు వచ్చింది. ఎన్టీఆర్ పుట్టిన రోజు సందర్భంగా ఎన్టీఆర్, ప్రశాంత్ నీల్ సినిమా ఆగస్టు నుంచి ప్రారంభం కానుందని తెలుస్తుంది. దీంతో ప్రభాస్ మూవీ ఆగిపోయిందేమో అని ఫ్యాన్స్‌ ఫిక్స్‌ అయ్యారు. అయితే ఆ సినిమా ఆగిపోలేదని సలార్‌ టీమ్‌ తెలిపింది.
అయితే ఎన్టీఆర్ మూవీ తరువాత ప్రభాస్ సినిమా ఉంటుందని అంతా అనుకున్నారు. దానికి తగినట్లుగానే కల్కి తరువాత హను రాఘవపూడి డేట్స్ ఇచ్చారు. ప్రస్తుతం తారక్‌ దేవర షూటింగ్ లో బిజీగా ఉన్నాడు. ఆ తరువాత వార్‌ 2 షూటింగ్ లో పాల్గొంటాడు. అయితే ఎన్టీఆర్, ప్రశాంత్ నీల్ సినిమా మొదలు అవుతుంది అనుకుంటే ఈ సినిమా పరిస్థితి ముందుకు సాగట్లేదు.
ఆ సినిమా షూటింగ్ ఆగస్టులో మొదలవుతుందని ప్రకటించగా..ఇంకా ప్రీ ప్రొడక్షన్‌ వర్క్‌ మొదలు కాలేదు. దీంతో అభిమానుల్లో కొంచెం కన్ఫ్యూజన్‌ మొదలైంది.
