మాస్‌ మహారాజా రవితేజ నటిస్తున్న తాజా చిత్రం మిస్టర్‌ బచ్చన్‌. ఈ సినిమా షూటింగ్ ని ఇటీవలే పూర్తి చేసుకుని పోస్ట్‌ ప్రొడక్షన్‌ పనుల్లో బిజీగా ఉంది. ఈ సినిమాని డాషింగ్‌ డైరెక్టర్‌ హ‌రీష్ శంక‌ర్ డైరెక్ట్ చేస్తుండ‌టంతో ఈ మూవీపై అంచ‌నాలు భారీ గా పెరిగాయి. ఇక ఈ సినిమా నుంచి సితార్ సాంగ్ ను విడుదల చేస్తున్న‌ట్లు మేక‌ర్స్ అనౌన్స్ చేయ‌డంతో ఈ సాంగ్ కోసం అభిమానులు ఎంతో ఆస‌క్తిగా ఎదురుచూస్తున్నారు.
ముందు ఈ సాంగ్ ను జులై 8న రిలీజ్ చేస్తామ‌ని చెప్పిన మేక‌ర్స్ కొన్ని కార‌ణాల వ‌ల్ల రిలీజ్ డేట్ ను జులై 10కి మార్చారు. అయితే, ఈ సాంగ్ ప్రోమోను తాజాగా ప్రేక్షకుల ముందుకు తీసుకుని వచ్చారు. చ‌క్క‌టి మెలోడి మ్యూజిక్ తో ఉన్న ఈ ప్రోమో అభిమానుల‌తో డ్యాన్స్ చేయించేలా ఉంది. ఈ పాట‌లో రవితేజ వింటేజ్ లుక్ లో కనువిందు చేస్తున్నాడు. ఇక ఆయ‌న వేసిన స్టెప్పులు అయితే ఫ్యాన్స్ కు పిచ్చ‌పిచ్చ‌గా న‌చ్చేస్తాయని చెప్పవచ్చు.
ఈ సినిమాలో అందాల భామ భాగ్య‌శ్రీ బొర్సె కథానాయిక గా న‌టిస్తోండ‌గా, జ‌గ‌ప‌తి బాబు విల‌న్ పాత్ర‌లో చేస్తున్న విషయం తెలిసిందే. జులై 10న రిలీజ్ అయ్యే సితార్ సాంగ్ ఎలాంటి సెన్సేష‌న్ క్రియేట్ చేస్తుందో చూడాలి.
