సీతా కల్యాణ వైభోగమే..సుమన్‌ తేజ్‌,,గరీమ చౌహన్ హీరోహీరోయిన్లుగా రూపుదిద్దుకుంటున్న సినిమా. ఈ మూవీని ఏప్రిల్ 26న భారీ గా విడుదల చేయనున్నారు. ఈ మేరకు సినిమా యూనిట్ ప్రమోషనల్ కార్యక్రమాలు షూరు చేసింది. తాజాగా ఈ మూవీ టీజర్‌ను మంత్రి కోమటిరెడ్డి వెంకట్ రెడ్డి చేతుల మీదుగా విడుదల చేయించారు.
నల్ల నల్ల నీళ్లలోనా తెల్లని చేప అంటూ పాటతో హీరో హీరోయిన్ల పరిచయం చేస్తూ టీజర్‌ను ప్రారంభించారు. ఇక ఆ తరువాత గోవాకు లొకేషన్ మార్చేశారు. అటుపై యాక్షన్ సీక్వెన్స్‌ను, గగన్ విహారి విలనిజాన్ని చూపించడం జరిగింది. ఇక ‘నా పెళ్లాం లేచిపోయింది.. సీత నాది’ అంటూ విలన్ చెప్పిన డైలాగ్స్, యాక్షన్ సీక్వెన్స్ ఆకట్టుకోగా ‘సీతమ్మ లేని గుడి రాముడి గుడే కాదు.. గుడిని మూసేయండి’ అని చెప్పే డైలాగ్.. యాక్షన్ సీక్వెన్స్, హీరో వీరోచిత పోరాటాలు ఆకట్టుకుంటున్నాయి.
‘సీత ఎప్పటికీ రాముడిదే’ అంటూ టీజర్ చివర్లో హీరో చెప్పిన డైలాగ్ కూడా ఆకట్టుకునేలా ఉంది. ఇక ఈ టీజర్‌ను రిలీజ్ చేసిన అనంతరం మంత్రి కోమటి రెడ్డి వెంకట్ రెడ్డి మాట్లాడుతూ ‘టీజర్ చాలా బాగుంది. సినిమా టీంకు ఆల్ ది బెస్ట్. ఈ చిత్రం పెద్ద విజయాన్ని సాధించాల’ని కోరుకున్నారు. ఈ సినిమా కుటుంబ సమేతంగా చూసేలా ఉందని, ఏప్రిల్ 26న ఈ చిత్రం భారీ స్థాయిలో విడుదల కానుందని అన్నారు.
