మెగా పవర్ స్టార్ రామ్ చరణ్ హీరోగా దర్శకుడు బుచ్చిబాబు సానా దర్శకత్వంలో ఓ భారీ చిత్రం రాబోతున్న సంగతి తెలిసిందే. ఈ సినిమా రెగ్యులర్ షూటింగ్ ఈనెల 22న ప్రారంభం కానున్నట్లు తెలుస్తోంది. మైసూరులో షూటింగ్ చేసేందుకు మేకర్స్ ప్లాన్ చేసినట్లు టాక్. ఐతే, ఈ వార్త పై మూవీ టీమ్ నుంచి అధికారిక ప్రకటన రావాల్సి ఉంది. ఇక ఈ సినిమాలో రామ్ చరణ్ డ్యూయెల్ రోల్ లో కనిపించబోతున్నారట. ఈ సినిమా ఇంటర్వెల్ లోనే చరణ్ రెండో పాత్ర రివీల్ అవుతుందని.. సినిమా మొత్తానికే ఈ సీక్వెన్స్ మెయిన్ హైలైట్ గా నిలుస్తుందట.
కాగా ఈ సినిమాలో రామ్ చరణ్ పక్కన హీరోయిన్ గా జాన్వీకపూర్‌ యాక్ట్ చేస్తున్న సంగతి తెలిసిందే. ఇక ఈ చిత్రానికి ఏ ఆర్ రెహమాన్ సంగీతం సమకూరుస్తున్నారు. మైత్రి మూవీ మేకర్స్ తో కలిసి నిర్మాత వెంకట సతీష్ కిలారు నిర్మాణ బాధ్యతలు చేపట్టారు.
అన్నట్టు యానిమల్ సినిమాతో విలన్ గా ఫామ్ లోకి వచ్చిన బాబీ డియోల్ కూడా ఈ సినిమాలో నటించే అవకాశలు కనపడుతున్నాయి.
