పోయిన సంవత్సరం చిన్నా అనే సినిమాతో మంచి విజయాన్ని అందుకున్న తమిళ హీరో సిద్దార్థ్. అతి త్వరలోనే ఇండియన్‌ 2 సినిమాతో ప్రేక్షకుల ముందుకు వచ్చేందుకు సిద్దార్థ్ రెడీగా ఉన్నాడు. తాజాగా సిద్దార్థ్ త‌న కొత్త సినిమాను ప్రకటించాడు. సిద్దార్థ్ మెయిన్‌ రోల్‌ లో తెరకెక్కుతున్న చిత్రం మిస్ యూ. ఎన్ రాజ‌శేఖ‌ర్ ఈ సినిమాకు ద‌ర్శ‌క‌త్వం వ‌హిస్తుండ‌గా.. కన్నడ ముద్దుగుమ్మ ఆషికా రంగనాథ్ క‌థానాయిక‌గా నటిస్తోంది.
ఈ మూవీ ఫ‌స్ట్ లుక్‌ను గురువారం విడుదల చేశారు. తమిళ్ హీరో శివ కార్తికేయ‌న్ ట్వీటర్ వేదిక‌గా మిస్ యూ ఫ‌స్ట్ లుక్‌ను విడుదల చేశాడు. రైల్వే స్టేషన్ ప్లాట్ ఫామ్‌పై సిద్దార్థ్ నడుస్తున్న చిత్రంను షేర్ చేశారు. చాల రోజుల తర్వాత సిద్దార్థ్ లుక్‌ చాలా కొత్తగా అనిపిస్తుంది. ఈ ఫ‌స్ట్ లుక్‌ను మరో హీరో మాధవన్ కూడా విడుదల చేశారు.
