కోలీవుడ్‌ స్టార్ హీరోయిన్‌ శ్రుతి హాసన్ గురించి పెద్దగా పరిచయం అక్కర్లేదు. శ్రుతి హాసన్ ప్ర‌స్తుతం వ‌రుసబెట్టి సినిమాలు చేస్తోంది. భాష‌తో సంబంధం లేకుండా ఆమె సినిమాల‌ను లైన్లో పెడుతుంది. ఆమె త‌మిళంలో ప్ర‌స్తుతం సూపర్ స్టార్ రజినీకాంత్ న‌టిస్తున్న ‘కూలి’ మూవీలో యాక్ట్‌ చేస్తుంది. ఈ సినిమాలో ర‌జినీ కూతురి పాత్ర‌లో శ్రుతి క‌నిపిస్తుందనే టాక్ వినిపిస్తోంది. ఇక ఈ బ్యూటీ, తెలుగులో కూడా ఓ క్రేజీ ప్రాజెక్టును ఓకే చేసిన‌ట్లుగా వార్త‌లు వినిపిస్తున్నాయి.
ప్ర‌ముఖ నిర్మాణ సంస్థ యువీ క్రియేష‌న్స్ బ్యాన‌ర్ త్వ‌ర‌లో ఓ లేడీ ఓరియెంటెడ్ మూవీని తెర‌కెక్కించేందుకు రెడీ అవుతుంది. ఓ కొత్త ద‌ర్శ‌కుడు ఈ సినిమాను డైరెక్ట్ చేయ‌బోతున్నాడని టాక్. ఈ సినిమా హార్ర‌ర్ అంశాల‌తో తెర‌కెక్క‌నుంద‌ని.. ఈ సినిమాలో ఫీమేయిల్‌ లీడ్ లో న‌టించేందుకు శ్రుతి హాసన్ ఓకే చేసిన‌ట్లుగా సినీ స‌ర్కిల్స్ లో వార్త‌లు వినిపిస్తున్నాయి.
‘భాగ‌మ‌తి’ సినిమా త‌రువాత యువీ క్రియేష‌న్స్ లేడీ ఓరియెంటెడ్ స‌బ్జెక్ట్ టచ్ చేయలేదు. అందుకే ఈ సినిమాతో మ‌రోసారి లేడీ ఓరియెంటెడ్ క‌థ‌ను టచ్ చేయాల‌ని ప్రొడ్యూస‌ర్స్ అనుకుంటున్నారు. అన్నీ ఓకే అయితే ఈ సినిమాను అతి త్వ‌ర‌లో ప‌ట్టాలెక్కించ‌డం ఖాయ‌మని తెలుస్తోంది. మరి ఈ సినిమాకు సంబంధించి ఏదైనా అఫీషియ‌ల్ అనౌన్స్ మెంట్ వ‌స్తుందేమో వేచి చూడాల్సిందే.
