‘ఎన్టీఆర్ – హృతిక్ రోషన్’ కాంబోలో రాబోతున్న మోస్ట్ వాంటెడ్ పాన్ ఇండియా మల్టీస్టారర్ సినిమా ‘వార్ 2’. అయితే, ఈ సినిమాకు సంబంధించి ఎలాంటి వార్త వచ్చినా నెట్టింట వైరల్‌ గా మారుతుంది. ఈ క్రమంలోనే ఈ సినిమాలో స్పెషల్ సాంగ్ కి సంబంధించి ఓ క్రేజీ న్యూస్ వినపడుతుంది. ఈ మూవీలో బాలీవుడ్ బ్యూటీ శ్రద్ధా కపూర్ ఈ స్పెషల్ సాంగ్ లో కనిపించనుందనే వార్త నెట్టింట హాల్‌ చల్‌ చేస్తుంది. కానీ, ఈ వార్త పై ఇంకా చిత్రబృందం ఎలాంటి అధికారిక ప్రకటన ఇవ్వలేదు.
ప్రస్తుతం శరవేగంగా ఈ చిత్ర షూటింగ్ జరుగుతోంది. ఇక ఈ మూవీ అప్డేట్స్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. కాగా, మోస్ట్ వాంటెడ్ పాన్ ఇండియా మల్టీస్టారర్స్ లో ‘వార్ 2’ ఫస్ట్ ప్లేస్ లో ఉంటుందనే సంగతి తెలిసిందే. పైగా ఎన్టీఆర్ – హృతిక్ రోషన్ కలయిక అనగానే ఆడియన్స్ లో కూడా భారీగా అంచనాలు క్రియేట్‌ అయ్యాయి.
అన్నట్టు ‘వార్ 2’ కథ విషయానికి వస్తే.. హృతిక్ రోషన్ పాత్రకు దీటుగా ఎన్టీఆర్ పాత్ర ఉండనుందంట. పైగా ‘వార్ 2’ అనేది యాక్షన్ మూవీ. నిర్మాత ఆదిత్య చోప్రా ఈ సినిమాని నిర్మిస్తున్నారు. ఇక ఈ చిత్రాన్ని బాలీవుడ్ దర్శకుడు అయాన్ ముఖర్జీ తీర్చిదిద్దుతున్నారు.
 | ReplyForwardAdd reaction |
