శివన్న వచ్చేది అప్పుడే! గ్లోబల్ స్టార్ రామ్ చరణ్ ప్రస్తుతం దర్శకుడు బుచ్చిబాబు సానా డైరెక్షన్‌లో RC16 చిత్రంలో నటిస్తున్నాడు. ఈ సినిమాను స్పోర్ట్స్ బ్యాక్‌డ్రాప్‌లో రూపొందిస్తున్నారు. ఇప్పటికే షూటింగ్ జరుపుకుంటున్న ఈ సినిమాలో కన్నడ స్టార్ హీరో శివ రాజ్ కుమార్ ఓ కీలక పాత్రలో నటిస్తున్నాడు.
ఇక ఈ సినిమాలో ఆయన పాత్ర ఎలా ఉండబోతుందా అనే ఆసక్తి అభిమానుల్లో నెలకొంది. కాగా ఆయన ఈ సినిమాలో ఎప్పుడు జాయిన్ అవుతారా అనే విషయంపై స్వయంగా శివ రాజ్ కుమార్ ఓ ఇంటర్వ్యూలో క్లారిటీ ఇచ్చారు.
RC16 మూవీ షూటింగ్ కోసం శివ రాజ్ కుమార్ మార్చి 5న హైదరాబాద్ వస్తున్నట్లు తెలిపారు. ఇక్కడ కొన్ని రోజుల పాటు రామ్ చరణ్ మూవీ షూటింగ్‌లో పాల్గొనబోతున్నట్లు ఆయన తెలిపారు. దీంతో ఈ సినిమాలో ఆయన పాత్రపై ప్రేక్షకుల్లో సాలిడ్ బజ్ క్రియేట్ అవుతుంది. ఇక ఈ సినిమాలో రామ్ చరణ్‌తో పాటు శివన్న స్క్రీన్ షేర్ చేసుకునే సీన్స్ ఎంత పవర్‌ఫుల్‌గా ఉంటాయా అని వారు ఆసక్తిగా చూస్తున్నారు.
