వాల్ట్ డిస్నీ బ్యానర్‌లో వచ్చిన ‘ది లయన్ కింగ్’ సినిమా గురించి అందరికీ తెలిసిన విషయమే. ఆ సినిమాకు ప్రపంచ వ్యాప్తంగా అభిమానులు ఉన్నారు. ఇక ఇప్పుడు ఈ ఫ్రాంచైజ్‌లోని కొత్త సినిమాగా ‘ముఫాసా: ది లయన్ కింగ్’ ప్రేక్షకులను అలరించేందుకు ప్రేక్షకుల ముందుకు రాబోతుంది. ఈ సినిమాను భారత్‌లోనూ పలు భాషల్లో విడుదల చేయబోతున్నారు.
కాగా, హిందీలో ముఫాసా సినిమాకి బాలీవుడ్ స్టార్ హీరో షారుఖ్ ఖాన్ వాయిస్ ఇవ్వనున్నాడు. ఈ సినిమాలోని ప్రధాన పాత్ర ‘ముఫాసా’కి షారుక్ తన గొంతును వినిపించబోతున్నారు. ఇక మరో విశేషమేమిటంటే.. ఈ సినిమాలో షారుఖ్ ఖాన్ కుమారులు ఆర్యన్, అబ్రమ్ లు కూడా తమ వాయిస్ వినిపించబోతున్నారు.
సింబా పాత్రకి ఆర్యన్ డబ్బింగ్ చెప్పగా, ముఫాసా చిన్నతనంలోని పాత్రకు అబ్రమ్ ఖాన్ డబ్బింగ్ చెప్పి తమ గొంతును వినిపించారు.వారు డబ్బింగ్ చెప్పిన హిందీ ట్రైలర్‌ను మేకర్స్ విడుదల చేయగా, దానికి ప్రేక్షకుల నుంచి మంచి రెస్పాన్స్ అందుతోంది. ఈ సినిమాను డిసెంబర్ 20న గ్రాండ్ గా విడుదల చేయబోతున్నారు.
