విక్టరీ వెంకటేష్, అనిల్ రావిపూడి కాంబోలో మరో సినిమా రూపుదిద్దుకుంటున్న సంగతి తెలిసిందే. శ్రీ వెంకటేశ్వర క్రియేషన్స్ కాంబోలో వరుసగా హ్యాట్రిక్ విజయాన్ని అందుకోవాలని చిత్ర బృందం రెడీ అవుతోంది. సంక్రాంతి రేసులో ఉన్న ఈ ఎస్వీసీ ప్రొడక్షన్‌ నెం. 58 ప్రస్తుతం పొల్లాచ్చిలో షూటింగ్ మొదలు పెట్టింది.
తాజాగా విక్టరీ వెంకటేష్ కూడా షూటింగ్ లో జాయిన్ అయ్యాడు. ఈ సందర్భంగా వెంకటేష్‌ను మాజీ కాప్‌గా ప్రెజెంట్ చేస్తూ మేకర్స్ స్పెషల్ వీడియోను సైతం రిలీజ్‌ చేశారు. వెంకటేష్ – అనిల్ రావిపూడి సెట్‌లో సరదాగా గడిపిన సమయాన్ని వీడియోలో చూపించారు. ఈ నెల రోజుల షెడ్యూల్లో మొత్తం టాకీ పార్ట్‌లు, పాటల షూటింగ్‌పై టీమ్ దృష్టి పెట్టినట్లు సమాచారం. హీరో, అతని మాజీ ప్రియురాలు, అతని భార్య అనే మూడు ప్రధాన పాత్రల చుట్టూ జరిగే కథే ఒక క్రైమ్ డ్రామాగా ఉంటుందని చిత్ర బృందం తెలిపింది.
వెంకటేష్ సరసన మీనాక్షి చౌదరి, ఐశ్వర్య రాజేష్ హీరోయిన్లుగా చేస్తున్నారు. ఇక పేరు ఫిక్స్ చేయని ఈ సినిమాకి భీమ్స్ సిసిరోలియో సంగీతం సమకూరుస్తుండగా, సినిమాటోగ్రఫీ సమీర్ రెడ్డి ఇస్తున్నారు. యానిమల్ ఫేమ్ ఉపేంద్ర లిమాయే, రాజేంద్ర ప్రసాద్, సాయి కుమార్, నరేష్, VT గణేష్, మురళీధర్ గౌడ్, పమ్మి సాయి, సాయి శ్రీనివాస్, ఆనంద్ రాజ్, చైతన్య జొన్నలగడ్డ, మహేష్ బాలరాజ్, ప్రదీప్ కబ్రా, చిట్టి కీలక పాత్రలలో నటిస్తున్నారు.
