నందమూరి నటసింహం బాలకృష్ణ హీరోగా నటించిన లేటెస్ట్ చిత్రం “డాకు మహారాజ్” తో సాలిడ్ హిట్ ని తన ఖాతాలో వేసుకున్న సంగతి తెలిసిందే. అయితే ఈ సినిమా తర్వాత తన హిట్ దర్శకుడు బోయపాటి శ్రీను తెరకెక్కిస్తున్న సినిమా “అఖండ 2″లో తాను ఫుల్ బిజీగా ఉన్నారు. అయితే ఈ సినిమాపై మరిన్ని అంచనాలు నెలకొనగా ఈ సినిమా షూటింగ్ ఇపుడు శరవేగంగా దూసుకెళ్తుంది.
అయితే ఈ సినిమాపై ఇప్పుడొక సాలిడ్ బజ్ వినిపిస్తుంది. దీని ప్రకారం ఈ చిత్రంలో బాలీవుడ్ స్టార్ నటుడు సంజయ్ దత్ కూడా కనిపించనున్నారని తెలుస్తుంది. తాను విలన్ రోల్ లోనే కనిపిస్తారని కూడా టాక్. మరి దీనిపై మరింత క్లారిటీ రావాల్సి ఉంది. ఇక ఈ చిత్రానికి థమన్ సంగీతం అందిస్తుండగా హీరోయిన్ సంయుక్త మీనన్ కూడా నటిస్తుంది. అలాగే 14 రీల్ ప్లస్ వారు నిర్మాణం వహిస్తుండగా ఈ సెప్టెంబర్ 28న గ్రాండ్ గా పాన్ ఇండియా భాషల్లో ఈ చిత్రం రిలీజ్ కి రాబోతుంది.
