టాలీవుడ్ యంగ్ హీరో, ‘పీపుల్ స్టార్’ సందీప్ కిషన్ నటిస్తున్న తాజా సినిమా ‘మజాకా’ . ఈ మూవీ ప్రస్తుతం శరవేగంగా షూటింగ్ జరుపుకుంటోంది. ఈ సినిమాను దర్శకుడు త్రినాథరావు నక్కిన డైరెక్ట్ చేస్తుండగా పూర్తి మాస్ యాక్షన్ ఎంటర్‌టైనర్‌గా ఈ మూవీ రూపుదిద్దుకుంటుంది. ఇక ఈ సినిమా నుండి మేకర్స్ తాజాగా ఓ బిగ్ అప్డేట్ ప్రేక్షకుల ముందుకు తీసుకుని వచ్చారు.
‘మజాకా’ సినిమాలో హీరోయిన్‌గా అందాల భామ రీతూ వర్మ నటిస్తున్నట్లు చిత్ర బృందం తెలిపింది. ఓ వీడియో రూపంలో ఈ విషయాన్ని వారు ప్రకటించారు.. పెళ్లికూతురి గెటప్‌లో రీతూ వర్మ అలిగి కూర్చోగా, ఆమెను ఆటపట్టిస్తున్నట్లు కనిపిస్తున్నాడు సందీప్ కిషన్. ఇక ఈ సినిమాలో రీతూ వర్మ పాత్ర ప్రేక్షకులను ఆకట్టుకునే విధంగా ఉండబోతుందని మూవీ మేకర్స్ తెలిపారు.
ఈ చిత్రానికి ప్రసన్న కుమార్ కథను ఇస్తుండగా.. లియోన్ జేమ్స్ సంగీతం సమకూరుస్తున్నాడు. ఏకె ఎంటర్‌టైన్‌మెంట్స్, హాస్య మూవీస్ బ్యానర్లు ఈ సినిమాను నిర్మిస్తున్నారు. ‘మజాకా’ చిత్రాన్ని సంక్రాంతి కానుకగా విడుదల చేయనున్నట్లు చిత్ర బృందం తెలిపింది.
