టాలీవుడ్ హీరో నితిన్ నటిస్తున్న తాజాసినిమా ‘రాబిన్‌హుడ్’ టీజర్ ప్రేక్షకులముందుకు వచ్చింది.. దర్శకుడు విజయ్ కుడుముల తెరకెక్కిస్తున్న ఈ చిత్రంలో నితిన్ పవర్ఫుల్ పాత్రలో నటిస్తున్నట్లు ఈ టీజర్ చూస్తే అర్థమవుతోంది. ఏజెంట్‌గా పనిచేస్తూనే, ధనవంతుల వద్ద దోచుకునే పాత్రలో రాబిన్‌హుడ్‌గా నితిన్ సాలిడ్ పర్ఫార్మెన్స్‌తో ఆకట్టుకునేందుకు నితిన్ సిద్దమయ్యాడు.
ఈ టీజర్ ఆద్యంతం ఎంటర్‌టైనింగ్‌గా ఉండటంతో ఈ సినిమాపై అంచనాలు అమాంతం పెరిగిపోయాయి. ఇక ఈ టీజర్‌కు ప్రేక్షకుల నుండి సాలిడ్ రెస్పాన్స్ అందుతుంది. ఈ టీజర్ రిలీజ్ అయిన 24 గంటల్లోనే ఏకంగా 10 మిలియన్ వ్యూస్ మార్క్‌ను క్రాస్ చేసి దూసుకుపోతుంది. అంతేగాక, ఈ టీజర్ యూట్యూబ్‌లో ట్రెండింగ్ అవుతోంది. ఈ టీజర్‌లో చిత్రంలోని భారీ క్యాస్టింగ్, జీవి.ప్రకాష్ కుమార్ ఎంగేజింగ్ బీజిఎం ప్రేక్షకులను ఆకట్టుకున్నాయి.
రాబిన్‌హుడ్ చిత్రంలో అందాల భామ శ్రీలీల హీరోయిన్‌గా నటిస్తోంది. ఈ సినిమాలో షైన్ టామ్ చాకో, వెన్నెల కిషోర్, రాజేంద్ర ప్రసాద్, మీమ్ గోపి తదితరులు ఇతర ముఖ్య పాత్రల్లో నటిస్తున్నారు. మైత్రీ మూవీ మేకర్స్ ఈ చిత్రాన్ని ప్రొడ్యూస్ చేస్తున్నారు.
