నేచురల్‌ స్టార్‌ నాని హీరోగా సరిపోదా శనివారం రూపొందింది. ఈ సినిమాని ప్రపంచ వ్యాప్తంగా ఆగస్టు 29 న విడుదలకు సిద్దంగా ఉంది. మాస్ ఆడియన్స్ ని ఆకట్టుకునే అంశాలు ఇందులో పుష్కలంగా ఉన్నాయని ట్రైలర్ చూస్తే అర్ధం అవుతుంది. నానికి జోడిగా ప్రియాంక మోహన్ నటిస్తోంది. ఈ ఆగస్టు 29న ‘సరిపోదా శనివారం’ విడుదల కానుంది.
‘దసరా’, హాయ్ నాన్న వంటి హిట్స్ తర్వాత సరిపోదా శనివారం’ తో హ్యాట్రిక్ కొట్టాలని మంచి కసి మీద ఉన్నాడు నాని. ఇప్పటికే విడుదల అయిన పోస్టర్స్, గ్లింప్స్, ట్రైలర్ సినిమాపై భారీ అంచనాలు పెంచేశాయి. మరికొద్ది రోజుల్లో విడుదల కానున్న ఈ సినిమా ప్రమోషన్స్ ఫుల్ స్వింగ్ లో జరుగుతున్నాయి. ఇటీవల ఈ సినిమా సెన్సార్ కంప్లిట్ చేసుకుంది. ఈ సినిమాకి 2 గంటల 46 నిమిషాల రన్ టైమ్ తోఫైనల్ కాపీ రెడీ అయిపోయింది. సెన్సార్ టీమ్ యు/ఎ సర్టిఫికెట్ ను ఇచ్చేసింది.
ఈ రన్ టైమ్ నాని ఫ్యాన్స్ ను భయపెడుతోంది. నాని, వివేక్ ఆత్రేయ కాంబోలో వచ్చిన ”అంటే.. సుందరానికి” 3 గంటల రన్ టైమ్ తో వచ్చి నిరాశపరించింది. ఇప్పుడు ఈ సినిమాకు కూడా ఇంత రన్ టైమ్ అంటే కాస్త భయపడాల్సిన పరిస్థితి. ఇదిలా ఉండగా.. ఈ సినిమాలో హీరో క్యారెక్టర్ కంటే విలన్ క్యారెక్టర్ ఎక్కువ హైలెట్ అయ్యే ఛాన్సులు ఉన్నాయని వార్తలు వస్తున్నాయి.
ఈ చిత్రంలో హీరో పాత్ర ఎక్కువగా సైలెంట్ గా ఉండిపోవాల్సి వస్తుందనే టాక్‌ ఉంది. దీంతో ఎస్.జె.సూర్య చెలరేగిపోయాడు అని.. అతని విలనిజం నెక్స్ట్ లెవెల్లో ఉంటుందని అంటున్నారు. అదే జరిగితే నాని ఫ్యాన్స్ నిరుత్సాహ పడక తప్పదు.
