సాధారణంగా స్టార్ హీరోల సినిమాలో ఓ సూపర్ హిట్ సాంగ్‌ను రీమిక్స్ పెట్టాలని దర్శకనిర్మాతలు ప్లాన్ చేస్తుంటారు. ఇప్పటికే చాలా మంది స్టార్ హీరోలు మొదలుకొని చిన్న హీరోల వరకు తమ సినిమాల్లో రీమిక్స్ పాటలు పెట్టి హిట్ అందుకున్న సంగతి తెలిసిందే. ఇక ఇప్పుడు ఆ వంతు పాన్ ఇండియా స్టార్ ప్రభాస్ ది అయ్యింది.
ప్రభాస్ కూడా తన సినిమాలో ఓ రీమిక్స్ సాంగ్‌తో ప్రేక్షకులను సర్‌ప్రైజ్ చేయనున్నట్లు సమాచారం. ప్రభాస్ నటిస్తున్న తాజా సినిమా ‘ది రాజా సాబ్’ ఇప్పటికే ఎలాంటి అంచనాలు క్రియేట్ చేసిందో అందరికీ తెలిసిందే.
ఈ సినిమాను దర్శకుడు మారుతి డైరెక్ట్ చేస్తుండగా హార్రర్ కామెడీ జోనర్‌లో ఈ సినిమా రాబోతుంది. ఈ సినిమాలో ఓ సెన్సేషనల్ సాంగ్ రీమిక్స్ పెట్టేందుకు దర్శకుడు మారుతి ఆలోచిస్తున్నాడంట. బాలీవుడ్‌లో 1994లో వచ్చిన ‘ఇన్‌సాఫ్ అప్నే లహోసే’ అనే సినిమాలో ‘‘హవా హవా..’’ అనే పాట అప్పట్లో సెన్సేషనల్ సూపర్ హిట్‌గా నిలిచిన సంగతి తెలిసిందే.
ఇక ఇప్పుడు ఈ సాంగ్ రీమిక్స్ రైట్స్‌ను ‘రాజా సాబ్’ మేకర్స్ దక్కించుకున్నట్లు సమాచారం.
దీంతో ప్రభాస్ సినిమాలో ఈ రీమిక్స్ సాంగ్ మంచి మాస్ బీట్స్‌తో థమన్ కంపోజ్ చేశాడని.. ఈ పాటకు థియేటర్లలో అభిమానులు డ్యాన్సులు వేయడం గ్యారంటీ అని చిత్ర వర్గాలు ధీమా వ్యక్తం చేస్తున్నాయి.
ఈ పాట కోసం భారీగా ఖర్చు కూడా పెట్టారని తెలుస్తోంది. మరి నిజంగానే ‘రాజా సాబ్’ మూవీలో రీమిక్స్ సాంగ్ మరోసారి సెన్సేషన్ క్రియేట్ చేస్తుందా అనేది మాత్రం ఆగి చూడాల్సిందే.
