కోలీవుడ్ స్టార్‌ హీరో ధనుష్ కథానాయకునిగా మన టాలీవుడ్ లో కూడా పలు చిత్రాలు చేస్తున్న సంగతి తెలిసిందే.దర్శకుడు వెంకీ అట్లూరితో చేసిన “సార్” చిత్రం సూపర్‌ హిట్ కాగా ఈ సినిమా తర్వాత మరో టాలీవుడ్ స్టార్‌ దర్శకుడు మ్యాజికల్ శేఖర్ కమ్ములతో చేస్తున్న ఇంట్రెస్టింగ్ ప్రాజెక్ట్ సినిమా “కుబేర”. ఇందులో అక్కినేని నాగార్జున కూడా ఈ చిత్రంలో ముఖ్య పాత్ర చేస్తుండగా , క్యూట్‌ ఏంజెల్‌ రష్మిక ఇందులో ఫీమేల్ లీడ్ గా నటిస్తుంది.
అయితే ఈ చిత్రం నుంచి మూవీ మేకర్స్‌ రష్మిక ఫస్ట్ లుక్ తో పాటు ఆమెపై ఇంట్రెస్టింగ్ ఇంట్రో వీడియోని కూడా విడుదల చేశారు. మరి ఇందులో రష్మిక ఒక గొయ్యి తీసి సూట్ కేస్ లో భారీ మొత్తంలో ఉన్న డబ్బులు తీసి దాన్ని మరో చోటకి తీసుకుని వెళ్తున్నట్లుగా కనిపిస్తుంది. మరి ఇందులో రష్మిక చాలా సింపుల్ లుక్స్ లో ఉండగా ఆమె పెర్ఫామెన్స్ మాత్రం సాలిడ్ గా ఉందని చెప్పాలి.
డబ్బు విషయంలో ఒక ఎగ్జైట్మెంట్, కంగారు అన్నీ కనిపిస్తున్నాయి. ఇక ఈ వీడియోకి దేవిశ్రీ ప్రసాద్ ఇచ్చిన బ్యాక్గ్రౌండ్ స్కోర్ కూడా కరెక్ట్‌ గా సెట్‌ అయ్యిందని చెప్పుకోవచ్చు. మొత్తానికి అయితే శేఖర్ కమ్ముల అండ్ కో ఓ ఇంట్రెస్టింగ్ ట్రీట్ ని ప్లాన్ చేస్తున్నారని చెప్పుకోవచ్చు.
