టాలీవుడ్‌ స్టార్ హీరోయిన్ రష్మిక గురించి ప్రత్యేకంగా చెప్పాల్సిన పని లేదు. చలో అంటూ తెలుగు ఇండస్ట్రీలోకి అడుగు పెట్టి చలో అంటూ దూసుకుపోతుంది. చలో తరువాత రష్మిక కు మంచి ఆఫర్స్ వచ్చాయి. ఈ ముద్దుగుమ్మ వరుసగా తెలుగుతో పాటు తమిళం ,కన్నడ భాషల్లో వరుసగా స్టార్ హీరోల సినిమాలలో నటిస్తూ వరుస సూపర్ హిట్స్ అందుకుంటుంది.
అల్లు అర్జున్ హీరోగా వచ్చిన పుష్ప సినిమాలో రష్మిక శ్రీవల్లి పాత్రలో తన నటనతో ఆకట్టుకుంది. ఆ సినిమా పాన్ ఇండియా రేంజ్ లో సూపర్ హిట్ కావడంతో రష్మిక పాన్ ఇండియా హీరోయిన్ అయిపోయింది. ఈ భామ గత ఏడాది బాలీవుడ్‌లో రణ్ బీర్‌ కపూర్ హీరోగా వచ్చిన యానిమల్ సినిమాలో హీరోయిన్ గా నటించింది. ఈ సినిమాలో తన నటనకు ప్రేక్షకుల నుండి మంచి రెస్పాన్స్ వచ్చింది. ఈ సినిమా ప్రపంచవ్యాప్తంగా భారీ విజయాన్ని నమోదు చేసుకుంది.
ఇలా భాష ఏదైనా వరుస సినిమాలు చేస్తూ హిట్స్ అందుకుంటుంది. ప్రస్తుతం ఈ భామ చేతిలో చాలా సినిమాలు ఉన్నాయి. అందులో ఒకటి అల్లు అర్జున్ హీరోగా చేసిన బ్లాక్ బస్టర్ మూవీ పుష్పకు సీక్వెల్ గా తెరకెక్కుతున్న పుష్ప 2 , అంతేకాకుండా కోలీవుడ్ స్టార్ హీరో ధనుష్ నటిస్తున్న ‘కుబేర’.. రష్మిక ఈ రెండు సినిమాలతో పాటు బాలీవుడ్‌లో ఇంకో రెండు క్రేజీ సినిమాలకు కమిట్‌ అయ్యింది. ఇదిలా ఉంటే తాజాగా ఈ భామ మరో క్రేజీ ఆఫర్ అందుకుంది. తమిళ స్టార్ హీరో శివకార్తికేయన్‌ కథానాయకుడిగా శిబిచక్రవర్తి దర్శకత్వంలో రూపొందనున్న సినిమాలో రష్మిక ఛాన్స్‌ కొట్టేసింది. ఇది కేవలం రష్మిక మాత్రమే చేయగలిగిన పాత్ర అని, అందుకే ఆమెను కలిసినట్లు దర్శకుడు శిబి వివరించారు.
