టాలీవుడ్ యంగ్‌ అండ్‌ ఎనర్జిటిక్ హీరో రామ్ పోతినేని ప్రస్తుతం తన కెరీర్‌ కి మంచి కంబ్యాక్‌ మూవీ కోసం ఎదురు చూస్తున్న విషయం తెలిసిందే. కొంతకాలం క్రితం ఇస్మార్ట్ శంకర్తో హిట్ కొట్టిన రామ్‌కి మ‌ళ్లీ స‌రైన హిట్ ప‌డ‌లేదు. ఈ మ‌ధ్య బోయపాటి డైరెక్ష‌న్‌లో వ‌చ్చిన స్కంద కూడా బాక్సాఫీస్ వ‌ద్ద డిజాస్టర్‌ గా నిలిచింది.
ఈ సినిమా తరువాత స్టార్ డైరెక్టర్‌ పూరీ జ‌గ‌న్నాథ్‌ కాంబోలో రామ్ డ‌బుల్ ఇస్మార్ట్ సినిమా చేస్తున్న విషయం తెలిసిందే. ఈ సినిమా షూటింగ్‌ ప్రస్తుతం శ‌ర‌వేగంగా జరుగుతుంది. అయితే ఈ సినిమా షూటింగ్‌లో ఉండ‌గానే రామ్ వ‌రుస ప్రాజెక్ట్‌ల‌ను లైన్‌లో పెడుతున్నాడు. ఇప్ప‌టికే హరీశ్ శంకర్తో ఓ సినిమా చేయ‌బోతున్న రామ్ మ‌రోవైపు నెట్‌ఫ్లిక్స్‌తో క‌లిసి డిజిట‌ల్ ఎంట్రీకి రెడీ అవుతున్నాడు.
ఇక ఇవి కాకుండా మ‌రో క్రేజీ ప్రాజెక్ట్‌ను రామ్ లైన్‌లో పెట్ట‌బోతున్న‌ట్లు తెలుస్తుంది. టాలీవుడ్ ద‌ర్శ‌కుడు త్రివిక్ర‌మ్‌తో రామ్ సినిమా చేయ‌బోతున్న‌ట్లు తెలుస్తుంది. హరీష్ శంకర్ ప్రస్తుతం మిస్ట‌ర్ బ‌చ్చ‌న్ షూటింగ్‌లో బిజీగా ఉన్న విషయం తెలిసిందే. దీంతో ఈ గ్యాప్‌ను రామ్ త్రివిక్ర‌మ్‌తో ప్లాన్ చేసేందుకు రెడీ అయ్యాడు. రామ్ సొంత నిర్మాణ సంస్థ స్రవంతి బ్యానర్ లోనే ఈ ప్రాజెక్టు ఉండబోతుందని సమాచారం.
