శ్రీ సింహ కోడూరి ప్రధాన పాత్రలో, దర్శకుడు రితేష్ రానా డైరెక్షన్‌ లో తెరకెక్కిన కామెడీ ఎంటర్టైనర్ మత్తు వదలరా 2. ఈ సినిమా గతంలో రిలీజైన మత్తు వదలరా చిత్రానికి సీక్వెల్ గా రూపుదిద్దుకుంటుంది. తాజాగా రిలీజైన టీజర్ ఆద్యంతం ఆసక్తికరంగా సాగింది. ఈ టీజర్ ను చూసిన దర్శక దిగ్గజం ఎస్ ఎస్ రాజమౌళి సోషల్ మీడియా వేదికగా పలు ఆసక్తికర కామెంట్లు చేశారు.
“హి హి హి, హి టీమ్. మా అబ్బాయిలు మత్తు వదలరా 2 తో మరోసారి ప్రేక్షకుల ముందుకు వచ్చేశారు. టీజర్ డైలాగ్‌లు చాలా సరదాగా ఉండనున్నాయి. విజువల్స్ చాలా వైబ్రెంట్ గా ఉన్నాయి. ఈ సీక్వెల్ పై అంచనాలు భారీగానే నెలకొన్నాయి. సెప్టెంబరు 13న టిక్కెట్లు తస్కరించడం కోసం అంతా సిద్ధం” అంటూ రాజమౌళి కామెంట్‌ చేశారు. ఈ సినిమాలో సత్య, వెన్నెల కిషోర్, ఫరియా అబ్దుల్లా కీలక పాత్రల్లో కనిపించబోతున్నారు. క్లాప్ ఎంటర్ టైన్మెంట్, మైత్రి మూవీ మేకర్స్ బ్యానర్లపై నిర్మిస్తున్న ఈ చిత్రానికి కాల భైరవ సంగీతం అందిస్తున్న సంగతి తెలిసిందే. దీంతో ఈ సినిమా పై ప్రేక్షకుల్లో ఆసక్తి నెలకొంది.
