జాతీయ నటుడు అల్లు అర్జున్ ప్రస్తుతం పుష్ప 2 సినిమా షూటింగ్ లో బిజీగా ఉన్నాడు. ఈ సినిమాని లెక్కల మాస్టర్‌ సుకుమార్‌ తెరకెక్కిస్తున్న విషయం తెలిసిందే. పుష్ప 1 సినిమాకి సీక్వెల్‌ గా పుష్ప 2 సినిమా రాబోతున్న విషయం తెలిసిందే. ఈ సినిమా ఇండియ‌న్ బాక్సాఫీస్ ద‌గ్గ‌ర ఎలాంటి రికార్డులు క్రియేట్ చేస్తుందా అని అంద‌రూ ఎంతో ఆస‌క్తిగా ఎదురుచూస్తున్నారు. ఇక తాజాగా ఈ సినిమా లాంగ్ షెడ్యూల్ ను చిత్ర బృందం మొదలు పెట్టిన విషయం తెలిసిందే.
ఈ షెడ్యూల్ నెల‌రోజుల పాటు జరుగుతుందని చిత్ర యూనిట్ చెప్పింది. కాగా ఈ షెడ్యూల్ లో అల్లు అర్జున్ తో పాటు చిత్రంలోని కీల‌క న‌టీన‌టులు ఈ షూటింగ్ లో పాల్గొంటున్నారు. ఇక ఈ షెడ్యూల్ లో ప్రస్తుతం ‘పుష్ప-2’ మూవీకి సంబంధించిన క్లైమాక్స్ యాక్ష‌న్ సీక్వెన్స్ ను రూపొందిస్తున్నట్లు తెలుస్తోంది.
ఈ షెడ్యూల్ తో పుష్ప-2 చిత్ర షూటింగ్ టాకీ పార్ట్ పూర్త‌వుతుందని సమాచారం. ఈ సినిమాలో అందాల ముద్దుగుమ్మ ర‌ష్మిక హీరోయిన్ గా నటిస్తోండ‌గా ఫ‌హాద్ ఫాజిల్, సునీల్, అన‌సూయ భ‌ర‌ద్వాజ్ ఇత‌ర ముఖ్య పాత్ర‌ల్లో యాక్ట్‌ చేస్తున్నారు. దేవిశ్రీ ప్ర‌సాద్ సంగీతం అందిస్తున్న ఈ సినిమాను మైత్రీ మూవీ మేక‌ర్స్ ప్రొడ్యూస్ చేస్తున్న విషయం తెలిసిందే.
