ఐకాన్ స్టార్ అల్లు అర్జున్ హీరోగా రష్మికా హీరోయిన్ గా నటించిన తాజా భారీ పాన్ ఇండియా సూపర్‌ హిట్‌ సినిమా “పుష్ప 2 ది రూల్” గురించి అందరికీ తెలిసిందే. మరి హిందీ మార్కెట్ లో సరికొత్త లెక్కలు చూపించిన ఈ మూవీ సెన్సేషన్ ఇప్పటికీ కొనసాగుతుంది. ఈ నేపథ్యంలో ఈ సినిమా తాలూకా ఒరిజినల్ సౌండ్ ట్రాక్ లు బయటకి రావడం జరిగింది.
సంగీత దర్శకుడు దేవిశ్రీ ప్రసాద్ ఇచ్చిన సాలిడ్ ట్యూన్స్ ఆల్రెడీ సోషల్ మీడియాలో రూల్ చేస్తున్న విషయం తెలిసిందే. అయితే ఈ సినిమాకి దేవిశ్రీ ప్రసాద్ మాత్రమే కాకుండా కోలీవుడ్ ప్రముఖ సంగీత దర్శకుడు సామ్ సి ఎస్ కూడా పని చేశాడు. అయితే సినిమాలో ఎవరెవరు ఏ స్కోర్ అందించారు అనేది ఇపుడు తెలియనుంది.
రీసెంట్ గానే దేవిశ్రీ ప్రసాద్ ట్యూన్స్ వస్తే సామ్ సి ఎస్ కూడా ఇపుడు తన వెర్షన్ పుష్ప 2 ఒరిజినల్ సౌండ్ ట్రాక్ ని వదలబోతున్నట్టుగా తేల్చి చెప్పాడు. దీంతో పుష్ప 2 లో ఎవరెవరు ఏ బ్యాక్గ్రౌండ్ స్కోర్ ఇచ్చారు అనేది ఒక కొలిక్కి రానుంది. ఇక ఈ ఓఎస్టి ఎప్పుడు వస్తుంది అనేది డేట్ ఇంకా కన్ఫర్మ్ కావాల్సి ఉంది.
