దర్శక ధీరుడు రాజమౌళి, సూపర్‌ స్టార్‌ మహేష్ కాంబోలో రాబోతున్న బిగ్గెస్ట్‌ పాన్ వరల్డ్‌ మూవీ రూపుదిద్దుకుంటుంది. మహేష్ గుంటూరు కారం సినిమా తరువాత జక్కన్న తో సినిమా చేయబోతున్నాడు. దీంతో మహేష్ ఫ్యాన్స్ ఎంతో ఖుషీగా ఉన్నారు. ప్రస్తుతం ఈ సినిమా ప్రీ ప్రొడక్షన్ వర్క్ శరవేగంగా జరుగుతుంది.
ఈ సినిమా గురించి చిత్రం బృందం త్వరలోనే ఈ సినిమాను అధికారికంగా ప్రకటించనున్నారు. దర్శక ధీరుడు రాజమౌళి ఆర్ఆర్ఆర్ సినిమాతో ప్రపంచ వ్యాప్తంగా ఎంతో పాపులర్ అయ్యారు. . ప్రస్తుతం రాజమౌళి మహేష్ తో ఓ అడ్వెంచరస్ చిత్రాన్ని తెరకెక్కిస్తున్నారు. ఈ సినిమాను తన గత సినిమాల కంటే మరింత భారీగా తెరకెక్కిస్తున్నారు.
ఈ సినిమాను ఆఫ్రికా అడవుల్లో గ్రాండ్ విజువల్స్ తో షూట్ చేస్తారని సమాచారం.ఈ సినిమా కోసం పలువురు హాలీవుడ్ టెక్నీషియన్స్ కూడా పనిచేస్తున్నట్లు తెలుస్తుంది. అయితే ఈ సినిమా కాస్టింగ్ గురించి ఎలాంటి న్యూస్ లేకపోయినా మలయాళ నటుడు పృథ్వీరాజ్ సుకుమారన్ ఈ సినిమాలో కీలక పాత్ర పోషిస్తున్నట్లు ఓ వార్త సోషల్ మీడియాలో వైరల్ అవుతుంది. తాజాగా రాజమౌళి సినిమా ఆఫర్ గురించి సోషల్ మీడియాలో బాగా వైరల్ అవుతుంది.
